Мікалай Халезін

Мікалай Халезін (30 сакавіка 1964, Мінск, БССР) — беларускі журналіст і сцэнарыст, мастацкі кіраўнік «Свабоднага тэатра». Кавалер Ордэна Брытанскай імперыі.

Мікалай Халезін
Асабістыя звесткі
Дата нараджэння	30 сакавіка 1964(1964-03-30) (61 год)
Месца нараджэння	Мінск, Беларуская ССР, СССР
Грамадзянства	Беларусь
Жонка	Наталля Андрэеўна Каляда
Альма-матар	Беларускі дзяржаўны эканамічны ўніверсітэт
Прафесійная дзейнасць
Род дзейнасці	драматург, журналіст, тэатральны рэжысёр, акцёр
Грамадская дзейнасць
Член у	Беларуская Рада Культуры
Узнагароды	Люблю Беларусь

Нарадзіўся ў Мінску ў сям’і спевака Мінскай філармоніі^[1]. Пасля заканчэння школы служыў у войску ў авіяцыі. У 1984 паступіў на эканамічны факультэт Інстытута народнай гаспадаркі, але пасля трэцяга курсу кінуў вучобу, каб заняцца творчасцю^[2].

Працаваў журналістам у газетах «Имя», «Наша свабода»^[3], быў намеснікам галоўнага рэдактара газеты «Навіны», адным з членаў арганізацыйнага камітэта грамадзянскай ініцыятывы «Хартыя'97».

Быў стваральнікам і мастацкім кіраўніком цэнтра сучаснага мастацтва «VITA NOVA».

У 2005 г. Халезін разам з сваёй жонкай Наталляй Калядой заснавалі «Свабодны тэатр», які атрымаў шырокую вядомасць у Беларусі і замежжы.

Мікалай Халезін — аўтар шматлікіх п’есаў, перакладзеных на многія мовы свету, уладальнік шэрагу прэстыжных міжнародных культурніцкіх прэмій і прызоў на драматургічных конкурсах у розных краінах свету^[4].

Узнагароды і прэміі

Лаўрэат прэміі «Люблю Беларусь» (2010)^[5]. Кавалер Ордэна Брытанскай імперыі (2023)^[6][7]. Узнагароджаны медалём Францыска Скарыны (24 снежня 2024)^[8].