Мілаславіцкі сельсавет

Міласла́віцкі сельсавет — адміністрацыйна-тэрытарыяльная адзінка ў складзе Клімавіцкага раёна Магілёўскай вобласці. Адміністрацыйны цэнтр — аграгарадок (да 2009 года вёска) Мілаславічы.

Мілаславіцкі сельсавет
Краіна	Беларусь
Уваходзіць у	Клімавіцкі раён
Уключае	30 населеных пунктаў
Адміністрацыйны цэнтр	Мілаславічы
Дата ўтварэння	20 жніўня 1924
Старшыня сельсавета	Людагоўскі Мікалай Іванавіч
Кіраўнік спраў	Ціруба Таццяна Уладзіміраўна
Насельніцтва (2021)	954
Плошча	210,79 км²
Часавы пояс	UTC+03:00
Тэлефонны код	+375 2244
Код аўтам. нумароў	6
Афіцыйны сайт

Гісторыя

Утвораны 20 жніўня 1924 года ў складзе Мілаславіцкага раёна Калінінскай акругі БССР. З 9 чэрвеня 1927 года ў складзе Магілёўскай акругі. З 4 жніўня 1927 года ў складзе Клімавіцкага раёна Магілёўскай акругі БССР. Пасля скасавання акруговай сістэмы 26 ліпеня 1930 года ў Клімавіцкім раёне БССР, з 20 лютага 1938 года — Магілёўскай вобласці. 16 ліпеня 1954 года да сельсавета далучана тэрыторыя скасаванага Склімінскага сельсавета^[1], 11 красавіка 1960 года — тэрыторыя скасаваных Звянчаткаўскага і Макеевіцкага сельсаветаў^[2]. У 1965 годзе ў склад Кісялёвабудскага сельсавета перададзены 8 населеных пунктаў (Звянчатка, Іванаўск, Кавалёўка 1-я, Кавалёўка 2-я, Папаратка, Сялец, Фёдараўка, Шасцёраўка)^[3].

Пасля Вялікай Айчыннай вайны ў склад сельсавета ўваходзілі наступныя населеныя пункты: Мілаславічы, Іванава Слабада, Мікалаеўка, Дыдзіна, Тратны Кут.

У красавіку 1960 года ў склад сельсавета ўвайшлі вёскі Макеевічы, Перавалошня, Гулькі, Соўна, Піцер, Ільюхіна, Прыволле (уваходзілі ў склад скасаванага Макеевіцкага сельсавета),

У 1965 годзе ў склад сельсавета ўвайшлі вёскі Цітаўка, Тарасавічы, Варашылаўка, Данілаўка, Стары Стан, Склімін (уваходзілі ў склад скасаванага Склімінскага сельсавета).

28 снежня 2007 года скасаваны пасёлак Варашылаўка^[4], 25 лістапада 2009 года — вёска Тратны Кут^[5], 22 лютага 2011 года — пасёлак Крастоўскі^[6], 27 снежня 2013 года — вёска Цімошкі^[7]. 2 чэрвеня 2023 года да сельсавета далучана частка скасаванага Галіцкага сельсавета (18 населеных пунктаў: вёскі Арцёмаўка, Васілёўка, Галічы, Завідаўка, Іванава Слабада, Касперка, Лядзешня, Мікалаеўка, Недзведзь, Післяціна, Пожар, Пуцімель, Пятроўка, Сабалёўка, Сакалоўка, Селішча, Стайкі і Фядотава Буда) сельсаветаў^[8].

Склад

У склад сельсавета ўваходзяць 12 населеных пунктаў (на 2015 г.):

Населены пункт	Статус	Насельніцтва (2015 г.)	Гаспадаркі (2015 г.)
Данілаўка	вёска	1	1
Ільюхіна	вёска	0	0
Макеевічы	аграгарадок	369	138
Мілаславічы	аграгарадок	632	225
Перавалошня	вёска	67	25
Піцер	вёска	4	1
Склімін	вёска	32	18
Стары Стан	вёска	53	23
Тарасавічы	вёска	14	9
Цітаўка	вёска	30	8
Юр’евічы	вёска	7	1
Якімавічы	вёска	13	5
Крыніца: Клімавіцкі райвыканкам[9]

Скасаваныя населеныя пункты на тэрыторыі сельсавета:

• Варашылаўка — пасёлак.
• Гулькі — вёска.
• Крастоўскі — пасёлак.
• Лыткаўка — вёска.
• Прыволле — вёска.
• Соўна — вёска.
• Тратны Кут — вёска.
• Цімошкі — вёска.

Насельніцтва

Насельніцтва сельсавета паводле перапісу 2009 года (15 населеных пунктаў) — 1271 чалавек^[10], з іх 92,7 % — беларусы, 5,4 % — рускія, 1,1 % — украінцы, 0,4 % — армяне^[11]; паводле перапісу 2019 года (12 населеных пунктаў) — 918 чалавек^[12].

Станам на 1 студзеня 2015 года ў Мілаславіцкім сельсавеце пражываў 1221 чалавек^[9], на 1 студзеня 2021 года — 954 чалавекі.