Галіцкі сельсавет

Га́ліцкі сельсавет — былая адміністрацыйна-тэрытарыяльная адзінка ў складзе Клімавіцкага раёна Магілёўскай вобласці. Адміністрацыйны цэнтр — вёска Галічы.

Галіцкі сельсавет
Краіна	Беларусь
Уваходзіць у	Клімавіцкі раён
Уключае	25 населеных пунктаў
Адміністрацыйны цэнтр	Галічы
Дата ўтварэння	20 жніўня 1924
Дата скасавання	2 чэрвеня 2023
Старшыня сельсавета	Філімонаў Валерый Іванавіч
Кіраўнік спраў	Васількова Вікторыя Віктараўна
Насельніцтва (2019)	535
Плошча	139,78 км²
Часавы пояс	UTC+03:00
Тэлефонны код	+375 2244
Код аўтам. нумароў	6
Афіцыйны сайт

Геаграфія

Сельсавет знаходзіўся на паўднёвым усходзе раёна, межаваў з Мілаславіцкім, Гусаркаўскім і Родненскім сельсаветамі Клімавіцкага раёна, Пралетарскім сельсаветам Касцюковіцкага раёна, Бярозкаўскім і Забялышынскім сельсаветамі Хоцімскага раёна і Кузьміцкім сельскім паселішчам Ершыцкага раёна Смаленскай вобласці Расійскай Федэрацыі.

Гісторыя

Утвораны 20 жніўня 1924 года ў складзе Мілаславіцкага раёна Калінінскай акругі БССР. З 9 чэрвеня 1927 года ў складзе Магілёўскай акругі. З 4 жніўня 1927 года ў складзе Клімавіцкага раёна Магілёўскай акругі БССР. Пасля скасавання акруговай сістэмы 26 ліпеня 1930 года ў Клімавіцкім раёне БССР, з 20 лютага 1938 года — Магілёўскай вобласці. 5 ліпеня 1938 года да сельсавета далучана тэрыторыя скасаванага Галіцкамызскага нацыянальнага латышскага сельсавета^[1], 16 ліпеня 1954 года — тэрыторыя скасаванага Пуцімельскага сельсавета^[2]. 25 лістапада 2009 года ліквідавана вёска Галіцкая Мыза^[3]. 21 снежня 2011 года ў склад сельсавета перададзены населеныя пункты Васькоўка, Заходы, Казусёўка, Малышкавічы, Мацяёўка, Сураў, Якубаўка, якія ўваходзілі ў склад Родненскага сельсавета^[4]. 2 чэрвеня 2023 года скасаваны, тэрыторыя далучана да Родненскага (7 населеных пунктаў: аграгарадок Малышкавічы, вёскі Васькоўка, Заходы, Казусёўка, Мацяёўка, Сураў і Якубаўка) і Мілаславіцкага (18 населеных пунктаў: вёскі Арцёмаўка, Васілёўка, Галічы, Завідаўка, Іванава Слабада, Касперка, Лядзешня, Мікалаеўка, Недзведзь, Післяціна, Пожар, Пуцімель, Пятроўка, Сабалёўка, Сакалоўка, Селішча, Стайкі і Фядотава Буда) сельсаветаў^[5].

Склад

У склад сельсавета ўваходзілі 25 населеных пунктаў (2015 г.):

Населены пункт	Статус	Насельніцтва	Гаспадаркі
Арцёмаўка	вёска	9	5
Васілёўка	вёска	7	7
Васькоўка	вёска	7	3
Галічы	вёска	193	89
Завідаўка	вёска	12	9
Заходы	вёска	4	2
Іванава Слабада	вёска	85	36
Казусёўка	вёска	24	14
Касперка	вёска	2	2
Лядзешня	вёска	6	4
Малышкавічы	аграгарадок	381	130
Мацяёўка	вёска	5	4
Мікалаеўка	вёска	10	6
Недзведзь	вёска	76	37
Післяціна	вёска	7	5
Пожар	вёска	1	1
Пуцімель	вёска	9	6
Пятроўка	вёска	2	2
Сабалёўка	вёска	4	4
Сакалоўка	вёска	2	2
Селішча	вёска	16	9
Стайкі	вёска	27	17
Сураў	вёска	3	3
Фядотава Буда	вёска	37	22
Якубаўка	вёска	11	6
Крыніца: Клімавіцкі райвыканкам[6]

Насельніцтва

Насельніцтва сельсавета паводле перапісу 2009 года (19 населеных пунктаў) складала 506 чалавек^[7], з іх 98,4 % — беларусы, 1,2 % — рускія, 0,4 % — украінцы^[8].
Станам на 1 студзеня 2015 года у Галіцкім сельсавеце пражывала 940 чалавек.
Насельніцтва сельсавета паводле перапісу 2019 года (25 населеных пунктаў) — 535 чалавек^[9].