Міхал Леан Абуховіч

У Вікіпедыі ёсць артыкулы пра іншых людзей з прозвішчам Абуховіч.

Міхал Леў Абуховіч (каля 1630 — 22 кастрычніка 1668) — вялікалітоўскі дыпламат, пісьменнік-мемуарыст.

Міхал Леан Абуховіч
Герб «Ясеньчык»
3-і стражнік вялікі літоўскі 8 лютага 1668 — 22 кастрычніка 1668
Папярэднік	Уладзіслаў Юрый Халецкі
Пераемнік	Баніфацый Тэафіл Пац
падкаморы новагародскі[d] 20 чэрвеня 1665 — 22 кастрычніка 1668
Папярэднік	Крыштаф Антоні Абрынскі
Пераемнік	Эліяш Уладзіслаў Храптовіч[d]
староста суражскі[d] з 15 кастрычніка 1657
Нараджэнне	каля 1630[1][2]
Смерць	22 кастрычніка 1668(1668-10-22)[3]
Месца пахавання	Касцёл Дасканалага Зачацця Найсвяцейшай Дзевы Марыі, святых Юзафа і Станіслава Косткі і кляштар езуітаў
Род	Абуховічы
Бацька	Піліп Абуховіч
Маці	Соф’я з Абрынскіх[d]
Адукацыя	Віленскі ўніверсітэт
Дзейнасць	армія[4]
Ваенная служба
Званне	ротмістр, палкоўнік войска ВКЛ

Біяграфія

Паходзіў са шляхецкага роду Абуховічаў герба «Абуховіч». Сын Піліпа Казіміра Абуховіча.

Падкаморы мазырскі прыкладна з 1662 года і новагародскі з 1665 года, стражнік вялікі літоўскі у 1668 годзе; стараста гожаўскі, цырынскі і пераломскі; пасол на соймы 1664—1665 і 1665 гадоў. У 1645 годзе вучыўся ў Віленскай акадэміі. Пасля пакаёвы дваранін караля Яна II Казіміра Вазы. Дыпламатычны ганец у Маскву ў 1650 годзе і двойчы ў 1653 годзе. У 1651 годзе суправаджаў караля ў Берасцечкаўскай выправе, у 1656 годзе ўдзельнічаў у баях са шведамі за Варшаву, у ходзе якіх пасля смерці бацькі стаў камандзірам яго палка. У 1660 годзе ваяваў на Берасцейшчыне з атрадамі маскоўскага ваяводы І. А. Хаванскага. Быў узяты ў палон і адпраўлены ў Маскву, у 1662 годзе абменены ў Смаленску на маскоўскіх военачальнікаў. У 1664 годзе ўдзельнічаў са сваім палком у выправе на Северскую зямлю. Валодаў маёнткамі ў Смаленскім ваяводстве, Ятрай у Новагародскім ваяводстве, Буховічамі ў Кобрынскай эканоміі, Суражам, Казянамі і Тарапчанамі ў Віцебскім ваяводстве, Ясудавам і Свяцкам у Гарадзенскім павеце.

Пахаваны ў Новагародскім касцёле езуітаў.

Творчасць

Пакінуў 2 сціслыя дыярыушы: за 1660—1662 гады (пра знаходжанне ў Маскве) і за 1663—1665 гады. Дыярыушы, якія, апроч фактаў жыцця і палітычнай гісторыі, змяшчаюць замалёўкі побыту — з’яўляюцца каштоўнай гістарычнай крыніцай.

Зноскі

1. Czech National Name Authority Database as Linked Data, Báze národních jmenných autorit v podobě propojených dat Праверана 30 красавіка 2021.

   <a href='https://wikidata.org/wiki/Track:Q106982540'></a>
2. Urzędnicy Wielkiego Księstwa Litewskiego. Spisy, t. VI, Ziemia nowogródzka i województwo nowogródzkie XV–XVIII wiek / пад рэд. A. Rachuba — Warszawa: Instytut Historii Polskiej Akademii Nauk, 2024. — С. 156. — 524 с. — ISBN 978-83-66911-67-3

   <a href='https://wikidata.org/wiki/Track:Q11713056'></a><a href='https://wikidata.org/wiki/Track:Q134300399'></a>
3. Urzędnicy Wielkiego Księstwa Litewskiego. Spisy, t. VI, Ziemia nowogródzka i województwo nowogródzkie XV–XVIII wiek / пад рэд. A. Rachuba — Warszawa: Instytut Historii Polskiej Akademii Nauk, 2024. — С. 156–157. — 524 с. — ISBN 978-83-66911-67-3

   <a href='https://wikidata.org/wiki/Track:Q11713056'></a><a href='https://wikidata.org/wiki/Track:Q134300399'></a>
4. Národní autority České republiky Праверана 7 лістапада 2022.

   <a href='https://wikidata.org/wiki/Track:Q13550863'></a>