Міхал Сапоцька

Блаславёны Міхал Сапоцька (1 лістапада 1888, Юшаўшчына Ашмянскага павета, цяпер Навасады Валожынскага раёна — 15 лютага 1975, Беласток) — каталіцкі святар, спаведнік св. Фаўстыны Кавальскай, заснавальнік Кангрэгацыі Сясцёр Міласэрнасці Ісуса Хрыста.

Міхал Сапоцька
Адукацыя	Віленская каталіцкая духоўная семінарыя Віленскі ўніверсітэт Варшаўскі ўніверсітэт
Дзейнасць	каталіцкі святар
Месца працы	Варшаўскі ўніверсітэт Універсітэт Стэфана Баторыя Вышэйшая духоўная семінарыя ў Беластоку Віленскі ўніверсітэт
Нараджэнне	1 лістапада 1888(1888-11-01)[1][2] Навасады, Валожынская воласць[d], Ашмянскі павет, Віленская губерня, Расійская імперыя
Смерць	15 лютага 1975(1975-02-15)[1][2] (86 гадоў) Беласток, Беластоцкае ваяводства, Польская Народная Рэспубліка[3]
Пахаванне	Беласток
Медыяфайлы на Вікісховішчы

Біяграфія

У 1901–1902 вучыўся ў народнай школе ў Забрэззі, дзе часта ўдзельнічаў у набажэнствах у парафіяльным касцёле. Святарскі прыклад тагачаснага забрэзскага пробашча Яна Куніцкага ажывілі ў ім жаданне стаць святаром з дзяцінства. Здаў экзамен у шасцікласную школу ў Ашмянах, навучаўся тут з 1904 па 1906 гады.

Затым у семінарыі ў Вільні. Святарскае пасвячэнне атрымаў у Вільні ў 1914.

У 1914 скіраваны вікарыем у Табарышках, дзе служыў да 1918 года.

У Вільні з 1924 да 1947 года. У віленскі перыяд Міхал Сапоцька быў прызначаны спачатку вайсковым капеланам і садзейнічаў адбудове касцёла св. Ігнацыя, потым стаў духоўным айцом Мітрапалітальнай духоўнай семінарыі. З 1928 — прафесар тэалагічнага факультэта Віленскага ўніверсітэта імя Стэфана Баторыя, дзе стаяў ля вытокаў новай манаскай Кангрэгацыі Сясцёр Міласэрнасці Езуса Хрыста. Але перш за ўсё ў Вільні ён выконваў абавязкі рэктара касцёла Арханёла Міхала, стаў спаведнікам сястры Фаўстыны Кавальскай. У 1933–1936 гг. быў напісаны духоўны «Дзённік» сястры Фаустыны, намаляваны абраз Міласэрнага Езуса (мастак Яўген Казіміроўскі)^[4].

Пасля Другой сусветнай вайны — прафесар у духоўнай семінарыі ў Беластоку.

Беатыфікаваны 28 верасня 2008 у Беластоку.

Зноскі

1. Michał Sopoćko // GCatholic.org — 1997.

   <a href='https://wikidata.org/wiki/Track:Q25932135'></a>
2. Michał Sopoćko // Internetowy Polski Słownik Biograficzny

   <a href='https://wikidata.org/wiki/Track:Q96022943'></a>
3. Deutsche Nationalbibliothek Record #122061578 // Агульны нарматыўны кантроль — 2012—2016. Праверана 30 снежня 2014.

   <a href='https://wikidata.org/wiki/Track:Q27302'></a><a href='https://wikidata.org/wiki/Track:Q36578'></a>
4. catholic.by