Міхаіл Валянцінавіч Арцем’еў

Міхаіл Валянцінавіч Арцем’еў (нар. ў Мінску ў 1963 годзе) — найбольш цытаваны ў навуковых часопісах 2006—2010 гадоў (1307 спасылак) беларускі навуковец, доктар хімічных навук, спецыяліст у галіне нанахіміі. У 1985 годзе скончыў хімічны факультэт Беларускага дзяржаўнага ўніверсітэта (БДУ). З 2010-га з’яўляецца загадчыкам лабараторыі нанахіміі Навукова-даследніцкага інстытута фізіка-хімічных праблем (НДІ ФХП) БДУ. У 2010 годзе атрымаў Ганаровую грамату Нацыянальнай акадэміі навук Беларусі^[1].

Міхаіл Арцем'еў
Міхаіл Валянцінавіч Арцем'еў
Дата нараджэння	1963
Месца нараджэння	Мінск, Беларуская ССР, СССР
Грамадзянства	Беларусь
Род дзейнасці	хімік
Навуковая сфера	Хімія
Месца працы	Навукова-даследніцкі інстытут фізіка-хімічных праблем БДУ
Альма-матар	хімічны факультэт БДУ
Прэміі
Узнагароды	Ганаровая грамата Нацыянальнай акадэміі навук Беларусі (2010)

У Вікіпедыі ёсць артыкулы пра іншых людзей з прозвішчам Арцем'еў.

Ажыццявіў навуковыя даследаванні ў галіне сінтэзу і вывучэння будовы, структурна-хімічных ператварэнняў і ўласцівасцей ультрадысперсных металаў, квантавапамерных паўправаднікоў, нанапамерных аксідаў, а таксама мікра- і нанагэтэрагенных кампазытных сістэм на іх аснове, квантавахімічных разлікаў кластараў металаў і паўправаднікоў. Распрацаваў шэраг прыёмаў атрымання высокадысперсных і нанаструктураваных сістэм для мікра-, нанаэлектронікі і оптыкі. Займаецца стварэннем нанаматэрыялаў з асаблівымі ўласцівасцямі, такіх як люмінеставальныя пакрыцці, люмінесцэнтныя пазнакі для флюарэсцэнтнага імунааналізу, складнікі для радыёпаглынальных матэрыялаў, лазерныя затворы, нарыхтоўкі для аптычных валокнаў.

Зноскі

1. Дзень беларускай навукі (нявызн.). Газета «Універсітэт» (27 верасня 2011).(недаступная спасылка)