Міхаіл Васілевіч Дарашэвіч

У Вікіпедыі ёсць артыкулы пра іншых людзей з прозвішчам Дарашэвіч.

Міхаі́л Васі́левіч Дарашэ́віч (6 (19) лістапада 1900, Орша, Магілёўская губерня — 28 студзеня 1968(1968-01-28)) — беларускі савецкі вучоны-геадэзіст і дзеяч народнай адукацыі. Заслужаны дзеяч навукі і тэхнікі БССР (1954), прафесар (1961). Член КПСС з 1946 года.

Міхаіл Васілевіч Дарашэвіч
1-ы Міністр вышэйшай і сярэдняй спецыяльнай адукацыі БССР 1959 — 1968
Кіраўнік урада	Ціхан Кісялёў
Папярэднік	пасада заснаваная
Пераемнік	Мікалай Мяшкоў
Нараджэнне	6 (19) лістапада 1900 Орша, Аршанскі павет, Магілёўская губерня, Расійская імперыя
Смерць	28 студзеня 1968(1968-01-28) (67 гадоў)
Партыя	КПСС
Адукацыя	Беларуская дзяржаўная сельскагаспадарчая акадэмія
Дзейнасць	геадэзія
Месца працы	БНТУ Народны камісарыят земляробства БССР Міністэрства вышэйшай і сярэдняй спецыяльнай адукацыі БССР
Бітвы	Грамадзянская вайна ў Расіі
Узнагароды

Біяграфія

З сям’і служачых. Удзельнік Грамадзянскай вайны. Скончыў Беларускую сельгасакадэмію (1927).

У 1928—1929 гадах працаваў у Наркамаце земляробства БССР. З 1930 года на навукова-педагагічнай рабоце ў ВНУ і НДІ Беларусі. Загадчык кафедры геадэзіі (1933—1941, 1945—1959), дырэктар (1947—1959) Беларускага політэхнічнага інстытута.

У 1959—1968 гадах міністр вышэйшай і сярэдняй спецыяльнай адукацыі БССР.

Член ЦК КПБ у 1954—1961 гадах. Дэпутат Вярхоўнага Савета ў 1955—1962 гадах.

Узнагароджаны Ордэнам Леніна, 3 ордэнамі, медалямі.

Навуковыя інтарэсы

Аўтар навукова-метадычных прац па розных відах геадэзічных здымак, камеральнай апрацоўцы палявых матэрыялаў, выяўленні і вывучэнні тарфяных радовішчаў Беларусі.

Ушанаванне памяці

Яго імем названа адна з вуліц Мінска.

Зноскі