Міхаіл Пятровіч Пагодзін

Міхаіл Пятровіч Пагодзін (руск.: Михаил Петрович Пагодин, 11 лістапада 1800 — 8 снежня 1875) — расійскі гісторык, публіцыст , празаік і журналіст. Акадэмік Пецярбургскай акадэміі навук. Вядомы збіральнік рукапісаў і друкаваных кніг.

Міхаіл Пятровіч Пагодзін
руск.: Михаил Петрович Погодин
Партрэт пэнзля Васіля Перова
Асабістыя звесткі
Дата нараджэння	11 (23) лістапада 1800[1][2]
Месца нараджэння	Масква, Маскоўская губерня, Расійская імперыя[1][3][…]
Дата смерці	8 (20) снежня 1875[1][2] (75 гадоў)
Месца смерці	Масква, Маскоўская губерня, Расійская імперыя[1][3][…]
Пахаванне	Новадзявочыя могілкі
Грамадзянства	Расійская імперыя
Альма-матар	Імператарскі Санкт-Пецярбургскі ўніверсітэт[d]
Месца працы	Імператарскі Маскоўскі ўніверсітэт
Прафесійная дзейнасць
Род дзейнасці	мовазнавец, гісторык, журналіст, філосаф, рэдактар, пісьменнік, выдавец, празаік
Мова твораў	руская
Грамадская дзейнасць
Член у	Пецярбургская акадэмія навук Расійская акадэмія навук
Узнагароды
Медыяфайлы на Вікісховішчы

Біяграфія

Паходзіў з простай сям’і, бацька быў домаўпраўцам у графа І. П. Салтыкова, Дзед акадэміка быў прыгонным селянінам. З 1814 па 1818 год Пагодзін навучаўся ў Маскоўскай губернскай гімназіі, а з 1818 па 1821 год у Маскоўскім універсітэце па славесным аддзяленні.

У другой палове 1820-х гг. стаўшы сакратаром Таварыства аматараў рускай славеснасці, Пагодзін актыўна займаўся літаратурнай дзейнасцю, унёс прыкметны ўклад у станаўленне рускай аповесці. У 1833 годзе надрукаваў свой пераклад працы чэшскага славіста Добраўскага, у прадмове якога былі звесткі пра выдавецкую дзейнасць Скарыны.

Пагодзін вядомы як заўзяты збіральнік прадметаў даўніны, у яго калекцыі было каля 800 старадрукаваных кніг і 2000 рукапісаў, уключаючы старажытныя граматы і судовыя акты. У 1835 годзе падчас вандраванняў быў набыты фрагмент «Акафісніка» з «Малой падарожнай кніжкі», а ў 1847 годзе на Ніжагародскім кірмашы быў куплены больш поўны экзэмпляр «Акафісніка». З Галіцыі Пагодзіну прыслалі спіс перакладаў Скарыны, нават з тымі, якія ў друкаваных выданнях не захаваліся (3 кнігі «Ездры», Нееміі, Товіт, Прарокаў, першую кнігу Макавеяў). Па звестках бібліёграфа Пагодзіна ў зборы быў і Псалтыр 1517 або 1522 года. У 1852 годзе Мікалай I набыў збор Пагодзіна для дзяржавы, заплаціўшы за яго 150 тысяч рублёў срэбрам. Рукапісы і кнігі былі перададзеныя ў Публічную бібліятэку.

Зноскі

1. Бернштейн Д. И. Погодин // Краткая литературная энциклопедия — М.: Советская энциклопедия, 1962. — Т. 5.

   <a href='https://wikidata.org/wiki/Track:Q4239850'></a><a href='https://wikidata.org/wiki/Track:Q5061737'></a>
2. Д. Корсаков Погодин, Михаил Петрович // Русский биографический словарь / под ред. А. А. Половцов — СПб.: 1905. — Т. 14. — С. 154–166.

   <a href='https://wikidata.org/wiki/Track:Q20797291'></a><a href='https://wikidata.org/wiki/Track:Q21175485'></a><a href='https://wikidata.org/wiki/Track:Q4234287'></a><a href='https://wikidata.org/wiki/Track:Q1963546'></a><a href='https://wikidata.org/wiki/Track:Q1960551'></a>
3. Погодин Михаил Петрович // Большая советская энциклопедия: [в 30 т.] — 3-е изд. — М.: Советская энциклопедия, 1969. Праверана 28 верасня 2015.

   <a href='https://wikidata.org/wiki/Track:Q5061737'></a><a href='https://wikidata.org/wiki/Track:Q17378135'></a>