Міхаіл Сяргеевіч Вярбіцкі

У Вікіпедыі ёсць артыкулы пра іншых людзей з прозвішчам Вярбіцкі.

Міхаіл (Міша) Сяргеевіч Вярбіцкі (20 чэрвеня 1969 г., Масква) — расійскі матэматык, публіцыст, інтэрнэт-актывіст. Найбольш вядомы літаратурай супраць сістэмы капірайту, стварэннем блогасферы «Тыфарэтнік» і судовым пазовам, які падаў супраць яго народны артыст Расіі Юрый Куклачоў.

Міхаіл Сяргеевіч Вярбіцкі
Род дзейнасці	матэматык, блогер, публіцыст, рэдактар
Дата нараджэння	20 чэрвеня 1969(1969-06-20) (56 гадоў)
Месца нараджэння	Масква, РСФСР, СССР
Грамадзянства	Расія
Месца працы	Нацыянальны даследчы універсітэт – Вышэйшая школа эканомікі Брусельскі свабодны ўніверсітэт Інстытут тэарэтычнай і эксперыментальнай фізікі[d] Інстытут чыстай і прыкладной матэматыкі[d]
Альма-матар	Гарвардскі ўніверсітэт (1995) Moscow State School 57[d] (1986) МДУ (1990)
Сайт	verbit.ru (англ.)

Біяграфія

Сярэднюю адукацыю атрымаў у матэматычным класе сярэдняй школы № 57 г. Масквы. У 1990 г. вучыўся на мехмаце МДУ імя М. В. Ламаносава. У 1990—91 гг. наведваў заняткі ў Масачусецкім тэхналагічным інстытуце. У 1995 г. скончыў аспірантуру Гарвардскага ўніверсітэта са ступенню PhD па матэматыцы^[1]. Дысертацыю абараняў пад кіраўніцтвам Давіда Каждана па тэме «Кагамалогія кампактных гіперкэлеравых мнагастайнасцей». У 1996—1997 гг. супрацоўнічаў у Інстытуце перспектыўных даследаванняў у Прынстане. У 2002—2007 працаваў ва Універсітэце Глазга.

З 1996 г. выкладае ў Незалежным Маскоўскім інстытуце, з 2010 г. — на факультэце матэматыкі НДУ ВШЭ. Аўтар кнігі «Антыкапірайт», якая прысвечана крытыцы аўтарскага права. Вярнуўшыся ў Расію, нейкі час быў блізкі да Нацыянал-бальшавісцкай партыі Эдуарда Лімонава, потым адышоў ад яе ў 1998 г.^[2]. Публікаваўся ў газетах «Завтра», «Лимонка», у «Русском журнале».

У 1998 г. заснаваў незалежны музычны лэйбл «UR-REALIST», на якім публікуецца эксперыментальная і рознапланавая музыка. Рэдактар Інтэрнэт-часопіса «LENIN:»^[3]. Стваральнік рускай службы вядзення блогаў LJ.Rossia.org^[4] («тыфарэтніка»^[5][6]).

У лістападзе 2009 г. народны артыст Юрый Куклачоў падаў пазоў на Міхаіла Вярбіцкага, патрабуючы скасаваць выказванні з блога на lj.rossia.org^[7]. Міша Вярбіцкі, у прыватнасці, з ужываннем ненарматыўнай лексікі паведаміў чытачам, што, па чутках, Куклачоў карыстаецца электрашокерам пры дрэсіроўцы кошак. У снежні 2009 г. па просьбе пазоўніка (Куклачова) і адказніка судовае пасяджэнне было адкладзена ў надзеі ўладзіць канфлікт у пазасудовым парадку^[8]. У лютым 2010 г. Нагацінскі раённы суд г. Масквы пастанавіў спагнаць з Мішы Вярбіцкага кампенсацыю ў памеры 40 тыс. рублёў на карысць Ю. Д. Куклачова^[9]. Масгарсуд прызнаў законным рашэнне спагнаць з блогера Міхаіла Вярбіцкага 40 тыс. расійскіх рублёў у якасці кампенсацыі маральнай шкоды^[10]. У той жа час сам Міхаіл Вярбіцкі асвячаў пазоў як замах на свабоду слова ў Інтэрнэце.

Зноскі

1. Диплом Миши
2. В публичной интернет-библиотеке Владимира Прибыловского (нявызн.)(недаступная спасылка). Архівавана з першакрыніцы 30 ліпеня 2012. Праверана 20 чэрвеня 2014.
3. imperium.lenin.ru (нявызн.). Архівавана з першакрыніцы 14 ліпеня 2012. Праверана 20 чэрвеня 2014.
4. «Вести.net»: первые блоггеры Рунета (нявызн.). Архівавана з першакрыніцы 18 верасня 2012. Праверана 21 чэрвеня 2014.
5. Жестокие игры (нявызн.). Архівавана з першакрыніцы 13 верасня 2012. Праверана 21 чэрвеня 2014.
6. Где спрятаться от цепких рук спецслужб или 11 альтернатив Livejournal (нявызн.). Архівавана з першакрыніцы 8 ліпеня 2012. Праверана 21 чэрвеня 2014.
7. Оскорбленный артист подал иск в суд на обидчиков (нявызн.). Архівавана з першакрыніцы 18 верасня 2012. Праверана 20 чэрвеня 2014., «Комсомольская правда», 1 декабря 2009 г.
8. Конфликт между Юрием Куклачёвым и Михаилом Вербицким (нявызн.). Архівавана з першакрыніцы 8 ліпеня 2012. Праверана 21 чэрвеня 2014. // НТВ, 23.12.2009.
9. Дело N 2-300/10 (нявызн.). Архівавана з першакрыніцы 18 ліпеня 2012. Праверана 21 чэрвеня 2014.
10. Решение по иску артиста Куклачева к блогеру вступило в силу (нявызн.). Архівавана з першакрыніцы 9 верасня 2012. Праверана 20 чэрвеня 2014.