Міхаіл Хрысанфавіч Даўгяла

Міхаіл Хрысанфавіч Даўгяла (7 (21) мая 1908, в. Крутое, цяпер Смаленская вобласць, Расія — 9 верасня 1978) — беларускі жывапісец. Брат беларускага вучонага-тэрапеўта Георгія Даўгялы (1902—1974).

Міхаіл Хрысанфавіч Даўгяла
Дата нараджэння	7 (20) мая 1908
Месца нараджэння	Крутое, Вязменская воласць[d], Веліжскі павет, Віцебская губерня, Расійская імперыя
Дата смерці	9 верасня 1978(1978-09-09) (70 гадоў)
Грамадзянства	Беларуская ССР
Дзеці	Зоя Міхайлаўна Даўгяла
Род дзейнасці	мастак
Месца працы	Менскі педагагічны тэхнікум Нацыянальны акадэмічны тэатр імя Янкі Купалы
Вучоба	Беларускі дзяржаўны мастацкі тэхнікум (1930)
Уплыў	Міхаіл Георгіевіч Эндэ, Фёдар Адольфавіч Фогт і Валянцін Віктаравіч Волкаў
Член у	Беларускі саюз мастакоў

У Вікіпедыі ёсць артыкулы пра іншых людзей з прозвішчам Даўгяла.

Біяграфія

Нарадзіўся 7 (21) мая 1908 года ў вёсцы Крутое^[1] на Смаленшчыне ў сям'і святара^[2]. Скончыў у 1930 годзе Віцебскі мастацкі тэхнікум. Вучыўся ў М. Эндэ, Ф. Фогта, В. Волкава^[1].

Удзельнік мастацкіх выставак з 1932 года^[1]. У 1932 годзе на V Усебеларускай выстаўцы прадставіў працу «Дзіцячая пляцоўка ў калгасе»^[3].

У 1932—1934 гадах працаваў мастаком-дэкаратарам у тэатры імя Янкі Купалы^[3]. Выкладаў у 1930—1935 гадах у Мінскім педагагічным тэхнікуме^[1].

Член Беларускага саюза мастакоў з 1959 года^[1].

Памёр 9 верасня 1978 года^[1].

Творчасць

Працаваў пераважна ў галіне пейзажа, а таксама ў жанравай карціне. Асноўныя творы: палотны «Перад навальніцай» (1947^[3]), «Лагойскія далягляды» (1950^[3]), «Восень» (1955^[3]), «Стары Мінск», «Перад дажджом» (1957^[3]), «Сяўба», «Ля вогнішча на Бярэзіне», «Сакавік», «Цвіце яблыня», «Батанічны саду Мінску», «Восень. Залаты клён», «Збор ураджаю» (1956), «Камбайнёр за працай» (1957), «Торфараспрацоўкі» (1960), «Трактар працуе» (1961), «Вясна ў калгасе», «Збажына»^[1], «Летні пейзаж» (1952), «Восеньскае сонца» (1956), «Зіма» (1959), «У наваколлях Радашковічаў» (1967), «Вясна» (1968)^[3], «Пасадка бульбы», «саўгас «Гурыновічы», мемарыяльныя пейзажы ленінскіх месцаў (1970)^[3].

Творы знаходзяцца ў Нацыянальным мастацкім музеі Беларусь, фондах БСМ^[1].

Сям'я

Меў дачку Зою (нар. 1938), бібліятэкара-бібліёграфа.