Марк Аляксандравіч Асвяцімскі

Марк Аляксандравіч Асвяці́мскі (24 красавіка 1886, г. Слуцк — 10 лістапада 1938) — беларускі палітычны дзеяч.

Марк Аляксандравіч Асвяцімскі
Дата нараджэння	24 красавіка 1886(1886-04-24)
Месца нараджэння	Слуцк, Слуцкі павет, Мінская губерня, Расійская імперыя
Дата смерці	10 лістапада 1938(1938-11-10) (52 гады)
Месца смерці	Гомель, Гомельская вобласць, Беларуская ССР, СССР
Род дзейнасці	палітык

Біяграфія

Да 1918 года ў расійскай партыі эсэраў. У 1919—1920 гадах член ЦК Беларускай партыі сацыялістаў-рэвалюцыянераў (БПС-Р), у 1919—1924 гадах старшыня яе Слуцкага камітэта, член культурна-асветнага таварыства «Папараць-кветка» ў Слуцку. У 1920 годзе член Беларускай рады Случчыны, узначальваў вярбовачны пункт Беларускай вайсковай камісіі ў Слуцку. У 1919 і 1921 гадах быў арыштаваны ВЧК. У 1924 годзе адышоў ад палітычнай дзейнасці. У 1930-я гг. працаваў эканамістам Гомельскага тлушчакамбіната. 11 лютага 1938 года арыштаваны, 1 лістапада 1938 года прыгавораны да вышэйшай меры пакарання. Рэабілітаваны 13 ліпеня 1960 года.

Зноскі