Майсей Барысавіч Сокал

Майсей Барысавіч Сокал (5 кастрычніка 1904, г. Жмерынка, цяпер Вінніцкая вобласць, Украіна — 8 сакавіка 1975) — беларускі акцёр. Заслужаны артыст Беларускай ССР (1938).

Майсей Барысавіч Сокал
Дата нараджэння	5 кастрычніка 1904(1904-10-05)
Месца нараджэння	Жмерынка, Браілаўская воласць[d], Вінніцкі павет[d], Падольская губерня, Расійская імперыя
Дата смерці	8 сакавіка 1975(1975-03-08) (70 гадоў)
Месца смерці	Мінск, Беларуская ССР, СССР
Грамадзянства	СССР  Беларуская ССР
Прафесія	акцёр, тэатральны акцёр
Тэатр	Дзяржаўны яўрэйскі тэатр БССР Нацыянальны акадэмічны драматычны тэатр імя Максіма Горкага
Член у	БСТД
Узнагароды

У Вікіпедыі ёсць артыкулы пра іншых людзей з прозвішчам Сокал.

Біяграфія

Скончыў Маскоўскую тэатральную студыю «Культур-ліга» (1924). Працаваў у Харкаўскім, з 1927 года ў Дзяржаўным яўрэйскім тэатры Беларусі, дзе паставіў спектакль «Тэўе-малочнік» паводле Шолам-Алейхема (1939; выконваў і галоўную ролю). З 1949 года ў Дзяржаўным рускім драматычным тэатры Беларусі.

Член Беларускага саюза тэатральных дзеячаў з 1948 года.

Творчасць

Выканаўца драматычных і характарных роляў. Створаныя ім вобразы вылучаліся псіхалагічнай дакладнасцю і яркім вонкавым малюнкам.

Сярод значных роляў: Блазан («Кароль Лір» У. Шэкспіра), Суддзя («Фуэнтэ Авехуна^[en]» Лопэ дэ Вэгі), Том («Хаціна дзядзькі Тома^[ru]» паводле Г. Бічэр-Стоу), Сілан, Рабінзон («Гарачае сэрца^[ru]», «Беспасажніца^[ru]» А. Астроўскага), Шпрых («Маскарад^[ru]» М. Лермантава), Якаў Трошын («Дзеці сонца» М. Горкага) і інш.

Зноскі