Марцін Гаштольд

Марцін Гаштольд (? — 1483) — прадстаўнік роду Гаштольдаў, сын Яна (Івашкі), бацька Альбрэхта і Альжбеты. Староста новагародскі (1464—1471), першы ваявода кіеўскі (1471—1480?), маршалак земскі (1481), ваявода троцкі (1481—1483).

Марцін Гаштольд
Герб «Габданк»
ваявода троцкі 1481 — 1483
Папярэднік	Станька Судзівоевіч
Пераемнік	Багдан Саковіч
маршалак земскі 1481
Папярэднік	Станька Судзівоевіч
Пераемнік	Багдан Саковіч
Маршалак вялікі літоўскі 1481
Папярэднік	Станька Судзівоевіч
Пераемнік	Багдан Саковіч
ваявода кіеўскі 1471 — 1480?
Папярэднік	першы на пасадзе
Пераемнік	Іван Хадкевіч
Староста новагародскі 1464 — 1471
Папярэднік	Пётр Мантыгірдавіч
Пераемнік	Войцех Янавіч Манівід
Нараджэнне	1428 Вільня, Віленскае ваяводства, Вялікае Княства Літоўскае
Смерць	1483[1][2] Вільня, Віленскае ваяводства, Вялікае Княства Літоўскае
Род	Гаштольды
Бацька	Ян Гаштольд[3]
Маці	Дарота Кезгайлаўна[d]
Жонка	Невядомая з Гальшанскіх Ганна Юр'еўна з Гальшанскіх
Дзеці	(ад 2-га шлюбу) Альбрэхт, Альжбета
Грамадзянства	Вялікае Княства Літоўскае

Біяграфія

Вядомы стрымліваннем злоўжыванняў магнатаў. Быў двойчы жанаты з князёўнамі Гальшанскімі: шлюб з дачкой Сямёна Гальшанскага-Трабскага прынёс яму маёнтак Трабы, каля Гальшан, частку Глускай воласці на р. Пціч, а шлюб з Ганнай, дачкой князя Юрыя Гальшанскага, частку Гальшан і Глуска з Дубровіцай, таксама Задзвеі і Котлава.

Пасля смерці ўдзельнага кіеўскага князя Сямёна Алелькавіча, прызначаны вялікім князем літоўскім Казімірам Ягелончыкам ваяводай кіеўскім. Аднак кіяўляне не пусцілі яго ў горад. У 1471 годзе з войскам узяў Кіеў, паклаў канец існаванню Кіеўскага княства. Аднак пакінуў урад намесніка кіеўскага ў 1475 годзе.