Марыя Уладзіміраўна Кавязіна

Марыя Уладзіміраўна Кавязіна (у дзявоцтве Заборская; 25 кастрычніка 1911, Мінск — 12 красавіка 1975) — беларуская актрыса, заслужаная артыстка Беларускай ССР (1956).

Марыя Уладзіміраўна Кавязіна
Дата нараджэння	25 кастрычніка 1911(1911-10-25)
Месца нараджэння	Мінск, Мінскі павет, Мінская губерня, Расійская імперыя
Дата смерці	12 красавіка 1975(1975-04-12) (63 гады)
Грамадзянства	Беларуская ССР
Прафесія	актрыса
Тэатр	Беларускі дзяржаўны акадэмічны тэатр юнага гледача Палескі абласны драматычны тэатр імя Я. Купалы Магілёўскі абласны тэатр драмы і камедыі імя Вінцэнта Дуніна-Марцінкевіча Гродзенскі абласны драматычны тэатр
Член у	БСТД
Узнагароды

У Вікіпедыі ёсць артыкулы пра іншых людзей з прозвішчам Кавязіна.

У Вікіпедыі ёсць артыкулы пра іншых людзей з прозвішчам Заборская.

Біяграфія

У школьныя гады захаплялася мастацкім чытаннем, наведвала драматычны гурток. Творчую дзейнасць пачала ў Тэатры юнага гледача БССР (цяпер Беларускі рэспубліканскі тэатр юнага гледача) у Мінску, у якім працавала з 1931 па 1941 г.

Лепшыя ролі актрысы ў ТЮГу: Калет («Адвакат Патлен» у апрацоўцы С. Аўслендэра), Арына Радзівонаўна («Казка пра цара Салтана» паводле А. Пушкіна), Сялянка («Мікола Гоман» В. Сташэўскага), інспектрыса Варона («Блакітнае і ружовае» А. Бруштэйн), Бабуля («Снежная каралева» Яўгена Шварца па матывах казкі Х. К. Андэрсена).

З 1945 года выступала на сцэне Палескага абласнога драматычнага тэатра імя Я. Купалы ў Мазыры (створаны ў лістападзе 1944 года, у 1946 годзе рэарганізаваны ў Пінскі абласны драматычны тэатр), у 1946—1947 гг. працавала ў Бабруйскім, у 1947—1969 гг. — у Гродзенскім абласным драматычным тэатры.

Член Беларускага саюза тэатральных дзеячаў з 1947 года.