Мікола Пятровіч Луфераў

Мікола Пятровіч Луфераў (7 студзеня 1929 в. Трубільня, Краснапольскі раён-1994) — беларускі крытык і літаратуразнавец. Кандыдат філалагічных навук (1956).

Мікола Пятровіч Луфераў
Асабістыя звесткі
Дата нараджэння	7 студзеня 1929(1929-01-07)
Месца нараджэння	Трубільня, Тур’яўскі сельсавет, Краснапольскі раён, Магілёўская акруга, Беларуская ССР, СССР
Дата смерці	1994
Альма-матар	МДУ імя А. А. Куляшова
Прафесійная дзейнасць
Род дзейнасці	літаратуразнавец

Біяграфія

Скончыў філалагічны факультэт Магілёўскага педагагічнага інстытута (1950), аспірантуру пры Мінскім педінстытуце (1954).

Першая рэцэнзія надрукавана ў газеце «Літаратура і мастацтва» у 1952 г. Літаратурна-крытычныя артыкулы друкаваў у часопісах «Полымя», «Маладосць», газетах «Звязда», «Советская Белоруссия», «Літаратура і мастацтва», «Настаўніцкая газета» і інш. Даследаваў праблемы гісторыі беларускай савецкай літаратуры. Адзін з аўтараў кніг «Праблемы беларускай сучаснай прозы», «Гісторыя беларускай савецкай літаратуры» (Т.1), падручніка для філалагічных факультэтаў педінстытутаў «Гісторыя беларускай савецкай літаратуры», аўтар манаграфіі «Проза Кузьмы Чорнага», брашуры «Кузьма Чорны» і інш.

Зноскі