Наватомнікава

Наватомнікава (руск.: Новотомниково) — сяло ў Тамбоўскай вобласці Расіі. Адміністрацыйны цэнтр Наватомнікаўскага сельсавета.

Сяло Наватомнікава руск.: Новотомниково Краіна  Расія Суб’ект федэрацыі Тамбоўская вобласць Каардынаты 53°46′34″ пн. ш. 41°47′37″ у. д.HGЯO Насельніцтва ▼508 чал. (2010)[1] Часавы пояс UTC+03:00 Паштовыя індэксы 393944 Код АКАТП 68216852001 Наватомнікава на карце Расіі ±

Медыяфайлы на Вікісховішчы

У сяле знаходзіцца адзіны помнік дваранскай архітэктуры, які цалкам захаваўся ў Тамбоўскай вобласці, — сядзіба Варанцовых-Дашкавых.

Геаграфія

Сяло знаходзіцца на мяжы Тамбоўскай і Разанскай абласцей побач з ракой Цна недалёка ад аўтадарогі А143 Тамбоў — Маршанск — Шацк.

Гісторыя

У 1767—1779 гадах Нова-Томнікава згадваецца сярод уладанняў графа К. Р. Разумоўскага. У 1807 годзе ў спадкаемцаў Разумоўскага Новатомнікава з прылеглымі землямі купіла графіня І. І. Варанцова.

Развіццё Нова-Томнікава было звязана са стварэннем тут у 1859 годзе коннага завода. Адначасова з заводам будавалася і сядзіба Варанцовых-Дашкавых — галоўны сядзібны дом (архітэктар — М. У. Султанаў), гаспадарчыя збудаванні, уязныя аркі, якія абазначалі паўночныя межы сядзібы.

У 1886—1889 гадах у вёсцы была пабудавана Дабравешчанская царква на сродкі графа І. І. Варанцова-Дашкава ў рускім стылі маскоўскага перыяду.

Пасля рэвалюцыі 1917 года сядзіба Варанцовых-Дашкавых была нацыяналізавана і перададзена ў карыстанне дзяржконезавода № 77.

У снежні 1979 года рашэннем Тамбоўскага аблвыканкама № 513 ансамбль сядзібы Варанцовых-Дашкавых (домы, стайні, царква, капліца, уязная брама і парк) прызнаны помнікам архітэктуры^[2].

Вядомыя асобы

• Іларыён Іванавіч Варанцоў-Дашкаў (1837—1916) — генерал ад кавалерыі, адзін з найбуйнейшых землеўладальнікаў Расіі.

Зноскі

1. http://tmb.gks.ru/wps/wcm/connect/rosstat_ts/tmb/resources/34bf19804dee3ec4b86dbe0ba8f88639/tom1.rar

   <a href='https://wikidata.org/wiki/Track:Q128211579'></a>
2. Воронцовы-Дашковы имение Новотомниково