Надзея Іванаўна Галоўчанка

Надзея Іванаўна Галоўчанка (17 (30) верасня 1905, Керч — 5 ліпеня 1990, Мінск) — беларуская мастачка, графік, педагог.

Надзея Іванаўна Галоўчанка
Надзея Галоўчанка. «Аутапартрэт» 1950
Дата нараджэння	17 (30) верасня 1905
Месца нараджэння	Керч, Керч-Енікальскае граданачальства[d], Таўрычаская губерня, Расійская імперыя
Дата смерці	5 ліпеня 1990(1990-07-05) (84 гады)
Месца смерці	Мінск, Беларуская ССР, СССР
Род дзейнасці	мастачка, акварэліст, графік
Месца працы	Мінскі дзяржаўны мастацкі каледж імя А. К. Глебава
Жанр	партрэт
Вучоба	Беларускі дзяржаўны мастацкі тэхнікум (1932) Маскоўскі дзяржаўны акадэмічны мастацкі інстытут імя В. І. Сурыкава[d] (1940)
Мастацкі кірунак	рэалізм
Член у	Саюз мастакоў БССР

У Вікіпедыі ёсць артыкулы пра іншых людзей з прозвішчам Галоўчанка.

Першапачатковую прафесійную адукацыю атрымала ў 1928—1932 гадах у Беларускім дзяржаўным мастацкім тэхнікуме. У 1940 годзе скончыла Маскоўскі дзяржаўны мастацкі інстытут імя В. І. Сурыкава.

Выкладала ў Мінскім мастацкім вучылішчы (1949—1960). Сярод вучняў: Арлен Кашкурэвіч^[1], Уладзімір Уродніч, Валянцін Пакаташкін, Міхась Рагалевіч і інш^[2].

Сябра Саюз мастакоў БССР з 1949 года.

Творчасць

З 1932 года ўдзельнічала ў мастацкіх выстаўках.

Працавала пераважна ў галіне акварэлі, а таксама ў станковай графіцы (літаграфіі і лінагравюры), аўтар серыі партрэтаў беларускіх пісьменнікаў, удзельнікаў Вялікай Айчыннай вайны, перадавікоў вытворчасці, лірычных пейзажаў.

Творы захоўваюцца ў Нацыянальным мастацкім музеі Рэспублікі Беларусь, НЦСМ РБ, ДМГБЛ і іншых калекцыях.

Вядомыя творы

• Акварэльны малюнак «Пабудова тэатра ў Менску», канец 1930-х.
• Партрэты Пятра Глебкі, Янкі Маўра, Івана Мележа, Эдзі Агняцвет (1957)^[3], Мікалая Міхалапа і інш
• Партрэт ветэрана С. І. Карнеева (1989)^[4].

Зноскі

1. «Стваральнік энцыклапедыі беларускага жыцця». У гонар 90-годдзя народнага мастака Беларусі Арлена Кашкурэвіча (нявызн.)(недаступная спасылка). Архівавана з першакрыніцы 9 ліпеня 2021. Праверана 1 ліпеня 2021.
2. Михась Рогалевич (1932—2010). Песнь жизни Архівавана 9 ліпеня 2021. (руск.)
3. Графічны аркуш «Писательница Эди Огнецвет» (нявызн.)(недаступная спасылка). Архівавана з першакрыніцы 4 жніўня 2021. Праверана 7 снежня 2019.
4. Партрэт ветэрана С. І. Карнеева