Надзея Анатолеўна Хальцова

Надзея Анатолеўна Хальцова (нар. 23 ліпеня 1978, в. Мікелеўшчына, Мастоўскі раён, Гродзенская вобласць) — беларуская настаўніца, дэпутатка Палаты прадстаўнікоў Нацыянальнага сходу Рэспублікі Беларусь з 2024 года.

Надзея Анатолеўна Хальцова
дэпутат Палаты прадстаўнікоў Нацыянальнага сходу Рэспублікі Беларусь[d] з 2024
Нараджэнне	23 ліпеня 1978(1978-07-23) (47 гадоў) Мікелеўшчына, Мастоўскі сельсавет, Мастоўскі раён, Гродзенская вобласць, Беларуская ССР, СССР
Партыя	Белая Русь
Член у	Беларускі саюз жанчын Белая Русь
Адукацыя	Гродзенскі дзяржаўны ўніверсітэт імя Янкі Купалы

У Вікіпедыі ёсць артыкулы пра іншых людзей з прозвішчам Хальцова.

Біяграфія

Нарадзілася 23 ліпеня 1978 года ў вёсцы Мікелеўшчына Мастоўскага раёна Гродзенскай вобласці^[1].

Скончыла Гродзенскі дзяржаўны ўніверсітэт імя Янкі Купалы па спецыяльнасці «Настаўнік беларускай мовы і літаратуры»^[1].

Працавала настаўніцай беларускай мовы і літаратуры сярэдняй школы № 2 г. Масты; настаўніцай рускай мовы і літаратуры, намесніцай дырэктара па асноўнай дзейнасці Мікелеўшчынскага дзіцячага сада — сярэдняй школы Мастоўскага раёна; інспектаркам па асноўнай дзейнасці аддзялення сацыяльнай дапамогі дома, загадчыцай аддзялення першаснага прыёму, інфармацыі, аналізу і прагназавання Цэнтра сацыяльнага абслугоўвання насельніцтва Мастоўскага раёна; дырэктаркай гімназіі № 1 імя Данілы Іванавіча Валковіча г. Масты^[1].

Член Беларускай партыі «Белая Русь», грамадскага аб’яднання «Беларускі саюз жанчын», рэспубліканскага грамадскага аб’яднання «Белая Русь»^[1].

У 2024 годзе стала дэпутаткай Палаты прадстаўнікоў Нацыянальнага сходу Рэспублікі Беларусь VIII склікання ад Шчучынскай акругі № 60. Член Пастаяннай камісіі па бюджэце і фінансах^[1].

Сям’я

Выхоўвае дачку^[1].