Надзея Прохараўна Варвановіч

Надзея Прохараўна Варвановіч (30 лістапада (13 снежня) 1903, Гомель — 10 сакавіка 1985) — беларуская мастачка.

Надзея Прохараўна Варвановіч
Дата нараджэння	30 лістапада (13 снежня) 1903
Месца нараджэння	Гомель, Гомельскі павет, Магілёўская губерня, Расійская імперыя
Дата смерці	10 сакавіка 1985(1985-03-10) (81 год)
Род дзейнасці	мастак
Жанр	станковы жывапіс, нацюрморт, пейзаж і партрэт
Уплыў	Валянцін Віктаравіч Волкаў і Мікалай Васілевіч Дучыц
Член у	Беларускі саюз мастакоў

У Вікіпедыі ёсць артыкулы пра іншых людзей з прозвішчам Варвановіч.

Біяграфія

Нарадзілася 30 лістапада (13 снежня) 1903 года ў Гомелі. Вучылася ў мастацкіх студыях Растова-на-Доне ў 1935—1937 гадах і пры Доме народнай творчасці ў Мінску ў 1937—1941 гадах, дзе яе настаўнікамі былі В. Волкаў і М. Дучыц^[1].

Удзельнічала ў мастацкіх выставах з 1941 года. Член Беларускага саюза мастакоў з 1956 года^[1].

Творчасць

Працавала пераважна ў станковым жывапісе, у жанрах нацюрморта, пейзажа і партрэта. Сярод асноўных твораў — «Нацюрморт з гарлачыкам», «Нацюрморт з кветкамі і ручніком», «Флёксы», «Нацюрморт з беларускай посцілкай», «Сіні лубін з ручніком», «Жоўтыя кветкі на стале», «Півоні светлыя», «Карпы і ракі», «Ружы і вінаград»; лірычныя пейзажы «Зімовы дзень», «Бераг Нарачы», «Мінскае мора», «Зімой у Крыжоўцы»; партрэты М. Дучыца, школьніцы, маці, а таксама аўтапартрэт^[1].

Творы мастачкі захоўваюцца ў Нацыянальным мастацкім музеі Беларусі і ў фондах БСМ^[1].