Наталля Аляксандраўна Аўсяннікава

Наталля Аляксандраўна Аўсяннікава (нар. 23 верасня 1971, в. Бранава, Слуцкі раён) — беларускі палітык, дэпутат Палаты прадстаўнікоў Нацыянальнага сходу Рэспублікі Беларусь VIII склікання.

Наталля Аляксандраўна Аўсяннікава
Нараджэнне	23 верасня 1971(1971-09-23) (53 гады) Бранава, Сяражскі сельсавет, Слуцкі раён, Мінская вобласць, Беларуская ССР, СССР
Член у	Белая Русь
Адукацыя	БДУ
Месца працы	Слуцкі краязнаўчы музей Школа № 10 імя С. Ф. Рубанава Слуцкі раённы выканаўчы камітэт
Узнагароды	Ганаровая грамата Мінскага абласнога Савета дэпутатаў[d]

У Вікіпедыі ёсць артыкулы пра іншых людзей з прозвішчам Аўсяннікава.

Біяграфія

Нарадзілася 23 верасня 1971 года ў в. Бранава Слуцкага раёна Мінскай вобласці^[1].

Скончыла Беларускі дзяржаўны ўніверсітэт па спецыяльнасці «Гісторыя»^[1].

Працавала малодшым навуковым супрацоўнікам у Слуцкім краязнаўчым музеі; настаўнікам гісторыі ў школах Слуцкага раёна і г. Слуцка, намеснікам дырэктара Сярэдняй школы № 10 г. Слуцка імя С. Ф. Рубанава; на розных пасадах у Слуцкім раённым выканаўчым камітэце; старшынёй Слуцкага раённага Савета дэпутатаў 28-га склікання^[1].

Член рэспубліканскага грамадскага аб’яднання «Белая Русь»^[1].

У 2024 годзе выбрана дэпутатам Палаты прадстаўнікоў Нацыянальнага сходу Рэспублікі Беларусь VIII склікання ад Слуцкай акругі № 67. Член Пастаяннай камісіі па дзяржаўным будаўніцтве, мясцовым самакіраванні і рэгламенце^[1].

Узнагароды

Узнагароджана ганаровымі граматамі Мінскага абласнога Савета дэпутатаў, Слуцкага раённага выканаўчага камітэта. Мае Падзяку старшыні Слуцкага раённага выканаўчага камітэта^[1].

Сям'я

Замужам, мае дзвюх дачок^[1].

Зноскі

1. Біяграфія на сайце Палаты прадстаўнікоў Нацыянальнага сходу Рэспублікі Беларусь