Наталля Мікалаеўна Паплаўская

У Вікіпедыі ёсць артыкулы пра іншых людзей з прозвішчам Паплаўская.

Наталля Мікалаеўна Паплаўская (19 студзеня 1931, г. Саратаў) — беларуская мастачка–графік. Жонка народнага мастака Беларусі Г. Г. Паплаўскага, маці мастачкі К. Г. Паплаўскай.

Наталля Мікалаеўна Паплаўская
Дата нараджэння	19 студзеня 1931(1931-01-19) (94 гады)
Месца нараджэння	Саратаў, Ніжне-Волжскі край, РСФСР, СССР
Грамадзянства	Беларусь
Муж	Георгій Георгіевіч Паплаўскі
Род дзейнасці	мастачка, ілюстратарка
Вучоба	Беларускі дзяржаўны тэатральна-мастацкі інстытут (1964)
Член у	Саюз мастакоў БССР
Узнагароды
Медыяфайлы на Вікісховішчы

Малюнак Н. Паплаўскай на паштовай марцы СССР

Скончыла Мінскае мастацкае вучылішча (1952), Беларускі тэатральна-мастацкі інстытут (1964). Вучылася ў Л. Лейтмана, П. Любамудрава, В. Волкава.

Член Беларускага саюза мастакоў з 1966 года.

Творчасць

Вядомая як мастачка ў галіне кніжнай і станковай графіцы. Працуе ў тэхніках афорта, літаграфіі, а таксама акварэлі, гуашы, пяра. З 1956 года пачала браць удзел у мастацкіх выстаўках.

Выканала ў тэхніцы акварэлі (Браслаўшчына) (1975; цыкл «Помнікі гісторыі і культуры Беларусі», 1977), літаграфіі (серыі «Палессе», 1969; «Героі беларускіх казак», 1971) і інш.

Займалася афармленнем дзіцячай кнігі (беларускія народныя казкі, казкі народаў СССР, творы Р. Кіплінга, Ш. Перо і інш.), школьных падручнікаў.

Для твораў мастачкі характэрна вытанчанае пачуццё стылю, творчая фантазія, казачна–паэтычная інтэрпрэтацыя прыроды і народнага жыцця,

Работы мастачкі знаходзяцца ў Нацыянальным мастацкім музеі Беларусі, Нацыянальнай бібліятэцы Беларусі; фондах БСМ; Міністэрства культуры Расіі, аб'яднанні «Цэнтральны дом мастака» у Маскве; мастацкім музеі г. Магілёва; мастацкіх галерэях Аполе і Варшавы (Польшча); прыватных калекцыях Беларусі, Расіі і Еўропы.

Узнагароды

Прэмія Ленінскага камсамола Беларусі ў 1970 за дасягненні ў афармленні беларускіх выданняў. Дыплом 1-й ступені на ўсесаюзным конкурсе «Мастацтва кнігі» ў 1978 за ілюстрацыі да кніжцы «Ладачкі-ладкі» (1977). Дыпломы імя Ф. Скарыны на рэспубліканскім конкурсе «Мастацтва кнігі» (1970, 1979) за цыкл работ на тэмы беларускіх казак. Удзельніца міжнародных кірмашоў у Балонні, конкурсаў дзіцячай кнігі ў Браціславе, Балонні, Лейпцыгу, Барселоне^[1]. За выдатныя заслугі ў галіне выяўленчага мастацтва ў 2001 годзе Наталля Паплаўская была ўдастоеная медаля імя Францыска Скарыны^[2].

Зноскі

1. «Исцеление реализмом. Белорусская современная классика» Архівавана 23 верасня 2013. (руск.)
2. В Национальном художественном музее открылась выставка художников Георгия и Натальи Поплавских Архівавана 4 сакавіка 2021. (руск.)