Наталля Іванаўна Шыколенка

Наталля Іванаўна Шыко́ленка (1 жніўня 1964(1964-08-01)^[1], Андыжан — 15 мая 2025(2025-05-15)^[2], Геленджык, Краснадарскі край) — беларуская і савецкая лёгкаатлетка чэмпіёнка свету 1995 г. і сярэбраная прызёрка XXV Алімпійскіх гульняў у Барселоне (1992 г.) у кіданні дзіды. Майстар спорта міжнароднага класа СССР (1987), заслужаны майстар спорту СССР (1992), заслужаны майстар спорту Рэспублікі Беларусь (1995). Спартсмен года Беларусі (1995).

Наталля Шыколенка
Пол	жанчына
Поўнае імя	Наталля Іванаўна Шыколенка
Спецыялізацыя	кіданне дзіды[d]
Клуб	Дынама[d]
Нарадзілася	1 жніўня 1964(1964-08-01)[1] Андыжан, Андыжанскі вілает[d], Узбекская ССР, СССР
Памерла	15 мая 2025(2025-05-15)[2] (60 гадоў) Геленджык, Муніцыпальнае ўтварэнне горад-курорт Геленджык[d], Краснадарскі край, Расія
Грамадзянства	СССР, Беларусь
Трэнеры	М.М. Аўсянік, А.З. Дзмітрусенка
Рост	182 см
Вага	80 кг
IAAF	14269624
Асабістыя рэкорды
Дзіда	71,40 м NR
Узнагароды і медалі Лёгкая атлетыка Алімпійскія гульні Серабро Барселона 1992 кіданне дзіды Чэмпіянаты свету Бронза Штутгарт 1993 кіданне дзіды Золата Гётэбарг 1995 кіданне дзіды Ганаровыя спартыўныя званні Заслужаны майстар спорту СССР
Апошняе абнаўленне: 2 лістапада 2014

Маці і асабісты трэнер Ганны Тарасюк. Сястра лёгкаталеткі Таццяны Шыколенкі.

Спартыўная кар’ера

Пачала займацца лёгкай атлетыкай у 1979 годзе. Выступала за ВФСТ «Дынама» (Мінск). Трэніравалася пад кіраўніцтвам М. М. Аўсяніка і А. З. Дзмітрусенкі.

У 1983 годзе заваявала тытул чэмпіёнкі СССР сярод юніораў у спаборніцтвах па кіданні дзіды. Праходзіла службу ў спартыўнай камандзе Узброеных Сіл МУС РБ. У 1987 г. прымала ўдзел ў Чэмпіянаце свету па лёгкай атлетыцы ў Рыме. У 1988 г. у спаборніцтвах па кіданні дзіды выйграла Кубак Еўропы.

Пры падрыхтоўцы да Чэмпіяната свету па лёгкай атлетыцы ў Токіа ў 1991 г. атрымала сур’ёзную траўмы нагі, тым не менш паехала і выступіла на чэмпіянаце, заняўшы 11-ае месца. Даволі хутка стан здароўя Наталлі выправіўся, і ў 1992 г. яна выйграла першынства СССР з с лепшым па тым часе ў свеце вынікам.

На Чэмпіянаце свету па лёгкай атлетыцы 1993 г. у нямецкім Штутгарце заваявала бронзу (вынік — 65,64 м), на Чэмпіянаце свету па лёгкай атлетыцы 1995 г. у шведскім Гётэбаргу — золата (вынік — 67,56 м). На Алімпіядзе ў Барселоне ў 1992 г. заваявала срэбны медаль, саступіўшы першынства немке Сільке Рэнк. На Алімпійскіх гульнях ў амерыканскай Атланце заняла 12-ае месца, трапіўшы на трэцяй спробе ў дрот, па якому рухалася відэакамера.

Працавала настаўнікам СДЮШАР № 2 БФСТ «Дынама».

Спартыўныя дасягненні

Асабісты рэкорд — кіданне дзіды на 71,40 м (1994). Пераможца першынств СССР, шасцікратная чэмпіёнка СССР (1988—1992), чэмпіёнка і рэкардсменка СНД (1992), уладальніца Кубка Еўропы і свету (1994), пераможца Спартакіядаў народаў СССР (1986, 1990), чэмпіёнка міра (1995), срэбная прызёрка XXV Алімпійскіх гульняў 1992 г.^[3]