Нератоўка

Нерато́ўка^[1] — рака ў Акцябрскім раёне Гомельскай вобласці Беларусі, левы прыток ракі Пціч (басейн Прыпяці).

Нератоўка
Характарыстыка
Даўжыня	33,5 км
Басейн	183 км²
Расход вады	0,8 м³/с (вусце)
Вадацёк
Выток
• Месцазнаходжанне	за 1,8 км на захад ад аграгарадка Рассвет
• Каардынаты	52°47′08,10″ пн. ш. 29°08′41,27″ у. д.HGЯO
Вусце	Пціч
• Месцазнаходжанне	за 4 км на паўднёвы захад ад пасёлка Рабкор
• Каардынаты	52°35′56,18″ пн. ш. 28°45′46,88″ у. д.HGЯO
Ухіл ракі	0,5 м/км
Размяшчэнне
Водная сістэма	Прыпяць
Краіна	Беларусь
Рэгіён	Гомельская вобласць
Раён	Акцябрскі раён
выток вусце
— выток, — вусце

Даўжыня ракі 33,5 км^[2]. Плошча вадазбору 183 км². Сярэднегадавы расход вады ў вусці 0,8 м³/с. Сярэдні нахіл воднай паверхні 0,5 ‰. Пачынаецца за 1,8 км на захад ад аграгарадка Рассвет, вусце за 4 км на паўднёвы захад ад пасёлка Рабкор. Цячэ па паўночна-ўсходняй частцы нізіны Прыпяцкае Палессе. Даліна невыразная, шырынёй 1,5—3 км. Вышыня схілаў даліны 3—6^[1] м. У нізоўі пойма двухбаковая, шырынёй 1—2 км. Рэчышча каналізаванае, яго шырыня ў верхнім цячэнні 10—12 м, у ніжнім 6—7 м. Берагі стромкія, абрывістыя, вышынёй 1—1,2 м^[1].

На рацэ гарадскі пасёлак Акцябрскі.

Зноскі

1. Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — 599 с., іл. — 10 000 экз.
2. Агульная характарыстыка рачной сеткі Гомельскай вобласці / Даведнік «Водныя аб’екты Рэспублікі Беларусь» Архівавана 8 снежня 2014.