Несцерка (аперэта)

У паняцця ёсць і іншыя значэнні, гл. Несцерка.

Несцерка — музычная камедыя кампазітара Р. Суруса па п'есе Несцерка Віталя Вольскага, пастаўлена ў Беларускім дзяржаўным акадэмічным музычным тэатры ў 1980 рэжысёрам Б. Уторавым. Мастаком, які афармляў спектакль, быў Б. Герлаван, музычны кіраўнік і дырыжор І. Абраміс, хормайстар Н. Андросава^[1], балетмайстар С. Дрэчын^[2].

Несцерка
Жанр	аперэта
Заснаваны на	Несцерка
Аўтар	лібрэта Віталя і Артура Вольскіх
Кампазітар	Р. Сурус
Дырыжор	Віталь Вольскі і Артур Вольскі
Мастак-пастаноўшчык	Барыс Федасеевіч Герлаван
Краіна	БССР

Апісанне

Вырашаны музычны спектакль у стылі батлейкі. Атрымалася своеасаблівае скамарошнае прадстаўленне «тэатра ў тэатры»^[1].

Музыка

Матэрыял п'есы дазволіў кампазітару выкарыстаць інтанацыйны лад беларускай народнай песні, формы народнага музыцыравання. Аўтар музыкі і цытуе сапраўдны фальклорны матэрыял (у сцэне вянчання і харавых фіналах 1-га і 2-га актаў) і пераасэнсоўвае яго. Народна-песенныя і танцавальныя інтанацыі, у адпаведнай гармананічнай афарбоўцы і аркестроўцы, нярэдка гучаць па-эстраднаму, што, аднак, не парушае агульнай стылістыкі музычнага кантэксту^[1].

Акцёры

• Несцерка — К. Лосеў
• Насця — Н. Гайда
• Юрась — Р. Харык
• Пані Мальвіна — Н. Равінская
• Мацей — В. Шаўкалюк
• Шкаляр Самахвальскі — Г. Казлоў
• Пан Бараноўскі — У. Лінкевіч
• Скамарохі — В. Фаменка, В. Сердзюкоў, Г. Валчок, Ю. Лазоўскі

Зноскі

1. Г. Сакалоў-Кубай Знаёмы герой - новае аблічча. "Несцерка" Р. Суруса ў Дзяржаўным тэатры музычнай камедыі БССР // Літаратура і мастацтва. — 15.2.1980. — С. 10.
2. Д. Жураўлёў Музычны «Несцерка» // Звязда. — 9.1.1982.