Новамічурынск

Новамічурынск^[1] (руск.: Новомичуринск) — горад (з 1981 года) у Расіі, у складзе Пронскага раёна Разанскай вобласці. Насельніцтва 19,8 тыс. чалавек (2009). Заснаваны ў 1968 годзе.

Горад
Новамічурынск
руск.: Новомичуринск
Сцяг Герб
54°02′ пн. ш. 39°45′ у. д.HGЯO
Краіна	Расія
Рэгіён	Разанская вобласць
Гісторыя і геаграфія
Заснаваны	1968
Першае згадванне	1968
Горад з	1981
Вышыня цэнтра	120 м
Часавы пояс	UTC+3, летам UTC+4
Насельніцтва
Насельніцтва	19.769 чалавек (2009)
Лічбавыя ідэнтыфікатары
Тэлефонны код	+7 49141
Паштовы індэкс	391160
Аўтамабільны код	62
город-новомичуринск.рф (руск.)
Паказаць/схаваць карты
Новамічурынск Новамічурынск
Медыяфайлы на Вікісховішчы

Размешчаны на поўначы Окска-Данской раўніны, на правым беразе ракі Проня (прыток Акі), за 20 км ад чыгуначнай станцыі Біркіна, за 85 км на поўдзень ад Разані. Тэрыторыя 26 км². Вышыня над узроўнем мора 120 метраў.

Гісторыя

Знак пры ўездзе ў горад

Узнік у 1968 годзе як пасёлак будаўнікоў Разанскай ДРЭС, які атрымаў назву Новамічурынск. Названы ў гонар селекцыянера І. У. Мічурына (1855—1935), які нарадзіўся каля Новамічурынска (у былым маёнтку Вяршыня, цяпер вёска Мічураўка) і пачаў свае працы па раслінаводстве. У 1973 годзе дала першы ток Разанская ДРЭС, сёння ўсталяваная магутнасць 2800 МВт; у 1990 годзе ўведзена ў эксплуатацыю ДРЭС-24 усталяванай магутнасцю 310 Мвт.

Эканоміка: Разанская ДРЭС, ДРЭС-24 (з 2008 - у складзе Разанскай ДРЭС), завод буйнапанэльнага домабудавання, вытворчасць будматэрыялаў, прадпрыемсты лёгкай і харчовай прамысловасці.

Зноскі

1. Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — 512 с. — 10 000 экз. — ISBN 985-11-0035-8. — ISBN 985-11-0238-5 (т. 14). — карта Разанскай вобласці