Нона Віктараўна Мардзюкова

Нона Віктараўна Мардзюкова (сапраўднае імя — Наябрына; 1925—2008) — савецкая і расійская кінаактрыса, лаўрэат Сталінскай прэміі (1949), Народная артыстка СССР (1974).

Нона Віктараўна Мардзюкова
Дата нараджэння	25 лістапада 1925(1925-11-25)[1]
Месца нараджэння	Касцянтыніўка, Касцянтыніўскі раён, Данецкая вобласць, УССР, СССР
Дата смерці	6 ліпеня 2008(2008-07-06)[2] (82 гады)
Месца смерці	Масква, Расія
Месца пахавання	Кунцаўскія могілкі[d]
Грамадзянства	СССР  Расія
Муж	Вячаслаў Васілевіч Ціханаў і Vladimir Soshalsky[d]
Дзеці	Vladimir Tikhonov[d]
Адукацыя	Усерасійскі дзяржаўны ўніверсітэт кінематаграфіі імя С. А. Герасімава (1950)
Прафесія	актрыса
Кар’ера	1948-2008
Прэміі	Prize of the President of the Russian Federation[d]
Узнагароды	Ордэн «За заслугі перад Айчынай» II ступені Ордэн «За заслугі перад Айчынай» IV ступені Медаль «У азнаменаванне 100-годдзя з дня нараджэння Уладзіміра Ільіча Леніна» Медаль «Ветэран працы» Медаль «За асваенне цалінных зямель» Ганаровая грамата Урада Расійскай Федэрацыі
IMDb	ID 0603314
Медыяфайлы на Вікісховішчы

Біяграфія

Нарадзілася 25 лістапада 1925 года ў станіцы Канстанцінаўская Данецкай вобласці.

Яшчэ з дзіцячых гадоў яна марыла здымацца ў кіно, але вайна перашкодзіла спраўдзіцца яе планам. У акупацыі ў Краснадарскім краі ёй прыходзілася хавацца ад гітлераўцаў, каб пазбегнуць адпраўкі на прымусовыя працы ў Германію.

У 1945 годзе паступіла ва УДІК, у акцёрскую майстэрню Барыса Бібікава і Вольгі Пыжовай. Скончыла яго ў 1950 годзе. У 1950—1991 — актрыса Тэатра-студыі кінаакцёра.

У 1948 годзе дэбютавала ў ролі Ульяны Грымотнай у фільме кінарэжысёра С. А. Герасімава «Маладая гвардыя». Першапачаткова на гэту ролю рэжысёр планаваў узяць Клару Лучко, але яна захварэла і яму прыйшлося ўзяць на гэту ролю Нону Мардзюкову. Дэбют апынуўся ўдалым, за гэту ролю Мардзюкова атрымала Сталінскую прэмію.

Яшчэ ў перыяд навучання ва УДІКе Нона Мардзюкова выйшла замуж за Вячаслава Ціханава, з якім пражыла ў шлюбе 13 год. Іх сын, Уладзімір Ціханаў таксама стаў кінаакцёрам.

За ўвесь час сваёй творчай кар’еры Нона Мардзюкова знялася ў 62 фільмах.

Увечары 6 ліпеня 2008 года на 83-м годзе жыцця Нона Віктараўна сканала.^[3]

Пахаваная 9 ліпеня 2008 года на Кунцаўскіх могілках Масквы побач з сынам. Паводле апошняй волі Мардзюковай, грамадзянская паніхіда не праводзілася. Адпяванне прайшло ў храме Спаса Нерукатворнай Выявы на Сетуні. Развітацца з ёй прыйшлі шматлікія дзеячы культуры і мастацтва — Юрый Саломін, Мікіта Міхалкоў, Рыма Маркава, Яўген Міронаў, Аляксандр Панкратаў-Чорны, Сяргей Гармаш, Ларыса Лужына, Ірына Разанава, Наталля Варлей.

Зноскі

1. Мордюкова Нонна Викторовна // Большая советская энциклопедия: [в 30 т.] — 3-е изд. — М.: Советская энциклопедия, 1969. Праверана 28 верасня 2015.

   <a href='https://wikidata.org/wiki/Track:Q5061737'></a><a href='https://wikidata.org/wiki/Track:Q17378135'></a>
2. http://echo.msk.ru/news/525692-echo.html
3. Не стало Нонны Мордюковой (руск.)