Нікалас Ладэйра

Нікалас Ладэйра (ісп.: Nicolás Lodeiro; нар. 21 сакавіка 1989, Пайсанду, Уругвай) — уругвайскі футбаліст, атакуючы паўабаронца амерыканскага клуба «Сіэтл Саўндэрс» і нацыянальнай зборнай Уругвая.

Нікалас Ладэйра
Агульная інфармацыя
Поўнае імя	Марсела Нікалас Ладэйра Бенітэс
Нарадзіўся	21 сакавіка 1989(1989-03-21)[1] (36 гадоў) Пайсанду, дэпартамент Пайсанду, Уругвай
Грамадзянства	Уругвай
Рост	173 см
Вага	70 кг
Пазіцыя	паўабаронца
Інфармацыя пра клуб
Клуб	Сіэтл Саўндэрс
Нумар	10
Маладзёжныя клубы
Барыа Абрэра 2003—2007 Насьяналь
Клубная кар’ера[* 1]
2007—2010 Насьяналь 41 (11) 2010—2012 Аякс 21 (2) 2012—2014 Батафогу 47 (7) 2014—2015 Карынтыянс 7 (0) 2015—2016 Бока Хуніярс 30 (6) 2016— Сіэтл Саўндэрс
Нацыянальная зборная[* 2]
2008—2009 Уругвай (да 20) 11 (5) 2009— Уругвай 42 (3)
Узнагароды і медалі
Кубак Амерыкі Золата Аргенціна 2011
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 31 ліпеня 2016. Колькасць гульняў і галоў за нацыянальную зборную ў афіцыйных матчах, адкарэктавана станам на 31 ліпеня 2016
Медыяфайлы на Вікісховішчы

Кар’ера

Клубная

Нікалас прыйшоў у акадэмію клуба «Насьяналь» у 14 гадоў. Праз чатыры гады ён дэбютаваў за асноўны склад клуба. У наступныя гады малады футбаліст хутка прагрэсаваў. У 2009 годзе яго тры галы дапамаглі клубу дайсці да паўфіналу Кубка Лібертадорэс. У студзені 2010 года Ладэйра падпісаў двухгадовы кантракт з амстэрдамскім «Аяксам». На той момант у гэтым клубе ўжо выступалі два ўругвайскіх іграка, гэта значыць Бруна Сільва і Луіс Суарэс. 7 лютага 2010 года Нікалас дэбютаваў у складзе сталічнага калектыву ў матчы супраць «Твентэ», аднак у хуткім часе атрымаў траўму і цалкам прапусціў сезон 2010/11.

20 ліпеня 2012 года бразільскі «Батафогу» выкупіў правы на іграка, а ў маі 2014 года ўругваец падпісаў кантракт з клубам «Карынтыянс». Гэтаму бразільскаму клубу трансфер абышоўся ў 4,5 млн бразільскіх рэалаў. 5 лютага 2015 года далучыўся да складу аргенцінскага клуба «Бока Хуніярс», дзе атрымаў 10 нумар^[2].

У ліпені 2016 года падпісаў кантракт з амерыканскім клубам «Сіэтл Саўндэрс»^[3].

Міжнародная

У складзе нацыянальнай зборнай Уругвая дэбютаваў у 2009 годзе ў матчы супраць зборнай Коста-Рыкі.

Дасягненні

Клубныя

«Насьяналь»:

• Чэмпіён Уругвая: 2009

«Аякс»:

• Чэмпіён Нідэрландаў (2): 2011, 2012
• Уладальнік Кубка Нідэрландаў: 2010

«Батафогу»:

• Чэмпіён штата Рыа-дэ-Жанэйра: 2013

«Бока Хуніярс»:

• Чэмпіён Аргенціны: 2015
• Уладальнік Кубка Аргенціны: 2015

«Сіэтл Саўндэрс»:

• Уладальнік Кубка МЛС: 2016

Міжнародныя

Уругвай:

• Уладальнік Кубка Амерыкі: 2011