Ніна Мікалаеўна Хмялёва

Ніна Мікалаеўна Хмялёва (28 лютага 1932, Ленінград — 30 красавіка 2000) — украінскі і беларускі вучоны ў вобласці гідраэкалогіі і заалогіі, акадэмік Пятроўскай Акадэміі навук у Санкт-Пецярбургу. Доктар біялагічных навук, прафесар.

Ніна Мікалаеўна Хмялёва
Дата нараджэння	28 лютага 1932(1932-02-28)
Месца нараджэння	Ленінград, РСФСР, СССР
Дата смерці	30 красавіка 2000(2000-04-30) (68 гадоў)
Род дзейнасці	заолаг
Навуковая сфера	заалогія
Навуковая ступень	доктар біялагічных навук
Альма-матар	ЛДУ (1955)

Біяграфічныя звесткі

Нарадзілася ў сям’і ваеннаслужачага. Скончыла біёлага-глебавы факультэт Ленінградскага дзяржаўнага ўніверсітэта (1955), аспірантуру Заалагічнага інстытута АН СССР (1958). Вывучала прымяненне радеактыўных ізатопаў у гідрабіялагічных даследаваннях. У 1962 годзе перайшла ў Інстытут біялогіі паўднёвых мораў АН УССР (Севастопаль), дзе прапрацавала амаль 10 гадоў. Тут ёю пачаты шырокія даследаванні па экалогіі, экалагічнай фізіялогіі і біёніцы марскіх беспазваночных. З 1971 года пераведзена на работу ў Інстытут заалогіі АН БССР. Арганізавала даследаванні па гідраэкалогіі, вывучэнне экалагічнай біяэнергеткі водных арганізмаў. Займалася акліматызацыяй прэснаводных крэветак у Беларусі.

Прэміі і ўзнагароды

Лаурэат прэміі НАН Беларусі (1995)

Літаратура

• Аляхновіч А. В. Хмялёва Ніна Мікалаеўна // Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — С. 35. — 10 000 экз. — ISBN 985-11-0035-8. — ISBN 985-11-0279-2 (т. 17).

Спасылкі

• Татьяна Михаевич Профессор Нина Николаевна Хмелева 1932—2012 (руск.)