Ота Кунцэ

Ота Кунцэ (ням.: Karl Ernst Otto Kuntze; 1843—1907) — нямецкі батанік і падарожнік, вядомы сваімі спробамі ў корані рэфармаваць батанічную таксанамію.

Ота Кунцэ
ням.: Karl Ernst Otto Kuntze
Дата нараджэння	23 чэрвеня 1843(1843-06-23)[1][2]
Месца нараджэння	Лейпцыг, Каралеўства Саксонія, Германскі саюз[3]
Дата смерці	27 студзеня 1907(1907-01-27) (63 гады)
Месца смерці	Сан-Рэма, правінцыя Імперыя, Лігурыя, Італія[4]
Грамадзянства	Каралеўства Саксонія
Жонка	Helene Kuntze[d][5]
Род дзейнасці	батанік, біёлаг, геолаг, падарожнік, батанічны калекцыянер
Навуковая сфера	батаніка[6], батанічны калекцыянер[d], біялогія[6] і геалогія[6]
Навуковая ступень	доктарская ступень[d][7]
Вядомы як	Аўтар альтэрнатыўнай батанічнай таксанаміі.
Медыяфайлы на Вікісховішчы

У Вікіпедыі ёсць артыкулы пра іншых людзей з імем Кунцэ.

Сістэматык жывой прыроды
Аўтар найменняў шэрага батанічных таксонаў. У батанічнай (бінарнай) наменклатуры гэтыя назвы дапаўняюцца скарачэннем «Kuntze». Спіс такіх таксонаў на сайце IPNI Персанальная старонка на сайце IPNI Раней, у некаторых крыніцах, выкарыстоўваліся абазначэнні O.Kuntze і O.Ktze. Старонка на Віківідах Выявы на Вікісховішчы

Кароткая біяграфія

Па першай адукацыі Ота Кунцэ быў аптэкарам.

У 1863—1866 гадах ён працаваў у вобласці камерцыі ў Берліне, падарожнічаў па Цэнтральнай Еўропе і Італіі. У 1868—1873 гг. быў уладальнікам фабрыкі па вытворчасці эфірных алеяў. У 1874—1876 гадах падарожнічаў па свеце, пабываў на Карыбскіх астравах, у ЗША, Японіі, у Кітаі, Паўднёва-Усходняй Азіі, на Аравійскім паўвостраве і ў Егіпце. Дзённік падарожжаў быў апублікаваны ў 1881 годзе пад назвай «Um die Welt» («Вакол свету»).

З 1876 па 1878 год вывучаў прыродазнаўчыя навукі ў Берліне і Лейпцыгу, доктарскую дысертацыю абараніў у Фрайбургу — гэта была манаграфія пра род Хіннае дрэва (Cinchona).

У 1886 годзе Кунцэ наведаў расійскую Пярэднюю Азію, а 1887—1888 гады правёў на Канарскіх астравах. Вынікі абодвух падарожжаў сталі часткай яго галоўнай працы — трохтамовай працы Revisio Generum Plantarum, апублікаванай у 1891 годзе і заснаванай на аналізе сабранай ім падчас падарожжаў батанічнай калекцыі. Гэта праца выклікала шок і неразуменне ў навуковым свеце, паколькі Кунцэ ў ёй цалкам змяніў батанічную таксанамію, якая існавала да гэтага.

Напачатку 1890-х ён з’ехаў у Паўднёвую Амерыку і пабываў амаль ва ўсіх краінах гэтага рэгіёна. У 1894 годзе ён падарожнічаў па Паўднёвай Афрыцы, у тым ліку наведаў нямецкія калоніі.

У 1904 годзе ён наведаў Аўстралію, Новую Зеландыю, Цэйлон, Самоа, Гаваі і ЗША.

У 1905 годзе на Другім міжнародным батанічным кангрэсе ў Вене яго рэвалюцыйныя ідэі ў вобласці батанічнай наменклатуры зноў не знайшлі разумення сярод вучоных.

У гонар Ота Кунцэ названы шматлікія батанічныя таксоны^[8].

У працах Кунцэ было апісана больш за пяцьсот родаў раслін і вялікая колькасць відаў, верагодна, некалькі дзясяткаў тысяч.

Франтыспіс галоўнай працы Ота Кунцэ — Revisio Generum Plantarum

Навуковыя працы

• Taschen-Flora von Leipzig. — Leipzig, 1867.
• Rubus-Reform deutscher Brombeeren. — 1867.
• Cinchona. — Haessel, 1878. (ням.)
• Um die Erde. — Leipzig, 1881.
• Plantae orientale-rossica. — 1887.
• Revisio generum plantarum. — Leipzig, A. Felix (у трох частках ч.1 — 1891, ч.2 — 1891, ч.3 — 1893.) (ням.)
• Geogenetische Beiträge. — Druck von Gressner & Schramm, 1895.
• Lexicon generum phanerogamarum inde ab anno MDCCXXXVII: 1902.

Зноскі

1. Brozović D., Ladan T. Otto Kuntze // Hrvatska enciklopedija — LZMK, 1999. — 9272 с.

   <a href='https://wikidata.org/wiki/Track:Q1264934'></a><a href='https://wikidata.org/wiki/Track:Q429032'></a><a href='https://wikidata.org/wiki/Track:Q18446'></a><a href='https://wikidata.org/wiki/Track:Q1789619'></a>
2. Carl Ernst Otto Kuntze // Biographical Database of Southern African Science — 2002. Праверана 9 кастрычніка 2017.

   <a href='https://wikidata.org/wiki/Track:Q24276683'></a>
3. Deutsche Nationalbibliothek Record #117555142 // Агульны нарматыўны кантроль — 2012—2016. Праверана 10 снежня 2014.

   <a href='https://wikidata.org/wiki/Track:Q27302'></a><a href='https://wikidata.org/wiki/Track:Q36578'></a>
4. Deutsche Nationalbibliothek Record #117555142 // Агульны нарматыўны кантроль — 2012—2016. Праверана 30 снежня 2014.

   <a href='https://wikidata.org/wiki/Track:Q27302'></a><a href='https://wikidata.org/wiki/Track:Q36578'></a>
5. Zanoni T. A. Otto Kuntze, Botanist. I. Biography, Bibliography and Travels // Brittonia — Springer Science+Business Media, 1980. — Vol. 32, Iss. 4. — P. 551. — ISSN 0007-196X; 1938-436X — doi:10.2307/2806169

   <a href='https://wikidata.org/wiki/Track:Q29029614'></a><a href='https://wikidata.org/wiki/Track:Q2392068'></a><a href='https://wikidata.org/wiki/Track:Q176916'></a>
6. Národní autority České republiky Праверана 7 лістапада 2022.

   <a href='https://wikidata.org/wiki/Track:Q13550863'></a>
7. Deutsche Nationalbibliothek Record #117555142 // Агульны нарматыўны кантроль — 2012—2016. Праверана 2 красавіка 2015.

   <a href='https://wikidata.org/wiki/Track:Q27302'></a><a href='https://wikidata.org/wiki/Track:Q36578'></a>
8. Спіс відаў, названых у гонар Ота Кунцэ, на сайце «The International Plant Names Index»