Павел Валовіч

Павел Валовіч (? — 6 сакавіка 1630) — дзяржаўны дзеяч Вялікага княства Літоўскага. Гарадзенскі падкаморы (1600—1615), гараднічы (1601—1623) і староста (з 1615); падскарбі надворны літоўскі з 1619.

Павел Валовіч
Герб «Багорыя»
Надворны падскарбі літоўскі 1619 — 1630
Папярэднік	Крыштаф Нарушэвіч
Пераемнік	Стэфан Пац
Нараджэнне	невядома
Смерць	6 сакавіка 1630(1630-03-06)
Род	Валовічы
Бацька	Іван Іванавіч Валовіч
Маці	Ганна з Копцяў
Жонка	Соф'я з Хадкевічаў
Дзеці	Казімір Яўстах, Андрэй

У Вікіпедыі ёсць артыкулы пра іншых людзей з прозвішчам Валовіч.

Кліент Мікалая Радзівіла Сіроткі, пры падтрымцы якога ў 1600 атрымаў пасаду гарадзенскага падкаморага.

Пасол на сойм 1597, дэпутат Трыбунала ВКЛ у 1599 і 1602.

Сям'я

Паходзіў з роду Валовічаў, сын Івана, маршалка гарадзенскага, і яго другой жонкі Ганны Копаць. Меў братоў Гераніма, Андрэя і Яўстаха.

Ажаніўся з Соф'яй Хадкевіч, дачкой віленскага кашталяна Гераніма. Меў сыноў Казіміра Яўстаха, стольніка літоўскага, і Андрэя  (літ.), езуіта, рэктара Віленскай акадэміі.

Літаратура

• Падалінскі У. Павятовая палітычная эліта ў святле дзейнасці гарадзенскага сойміка ў другой палове XVI ст. // Гарадзенскі палімпсест 2009. Матэрыялы міжнароднай навуковай канферэнцыі