Павел Пётр Трызна

У Вікіпедыі ёсць артыкулы пра іншых людзей з прозвішчам Трызна (значэнні).

Павел Пётр Трызна (XVI ст. — 15 мая 1639) — вялікалітоўскі дзяржаўны дзеяч. Войт і староста старадубскі (1630—1636), вялікі абозны літоўскі (1633—1638), вялікі падстолі літоўскі (з 1638). Дваранін пакаёвы каралевіча Уладзіслава Вазы.

Павел Пётр Трызна
Газдава
Вялікі падстолі літоўскі 1638 — 15 мая 1639
Папярэднік	Казімір Тышкевіч
Пераемнік	Ежы Караль Глябовіч
1-ы Вялікі абозны літоўскі 10 сакавіка 1633 — 1638
Пераемнік	Павел Ян Сапега
Смерць	15 мая 1639(1639-05-15)
Род	Трызны
Бацька	Рыгор Рыгоравіч Трызна[d]
Маці	Раіна з Сапегаў[d]

Сын маршалка слонімскага Рыгора Трызны і Раіны з Сапегаў, дачкі ваяводы менскага Багдана Сапегі. Меў братоў Марцыяна, Мікалая і Гедэона Міхала.

Электар Уладзіслава Вазы ад Смаленскага ваяводства ў 1632 годзе. Пасол на каранацыйны сейм 1633 года, сейм 1634 года, сейм звычайны 1635 года^[1] і ад Наваградскага павета на сейм надзвычайны 1635 года^[2].