Павукі-ваўкі

Павукі-ваўкі, ліказіды (Lycosidae) — сямейства павукоў.

Павукі-ваўкі
Pardosa lugubris
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Хеліцэравыя Клас:  Павукападобныя Атрад:  Павукі Падатрад:  Opisthothelae Інфраатрад:  Аранеаморфныя павукі Клада:  Neocribellatae Серыя:  Entelegynae Надсямейства:  Lycosoidea Сямейства:  Павукі-ваўкі
Міжнародная навуковая назва
Lycosidae Sundevall, 1833
Арэал
Сістэматыка на Віківідах Выявы на Вікісховішчы ITIS   847731 NCBI   74973 EOL   8778 FW   57486

Апісанне

Вочы павука

Памеры (5—7 мм) і форма цела ў самцоў і самак амаль аднолькавыя. Афарбоўка цёмная, пад колер глебы. Пярэдняя частка цела павука авальная, крыху звужаная на ўзроўні 2-й пары ног. Галава прыўзнята над грудзьмі. 8 вачэй (т. зв. «дзённых») размешчаны ў 3 рады. Ногі доўгія, дужыя, з шматлікімі валаскамі, шчацінкамі ці шыпамі. Брушка звычайна пляскатае, акруглае або яйцападобнае.

Пашырэнне

У сусветнай фаўне звыш 2 тыс. відаў. На Беларусі адзначана каля 30 відаў з родаў алапекозы (Alopecosa), арктозы (Arctosa), пардозы (Pardosa), трахозы (Trochosa), піраты (Pirata) і інш. Жывуць па глебе, дрэвах, кустах, каля берагоў вадаёмаў, могуць бегаць па паверхні вады.

Асаблівасці біялогіі

Лоўчых сетак не будуюць, многія не робяць і гнёздаў. Вандроўныя павукі палююць днём, здабычу даганяюць скачкамі. Павукі-норнікі жывуць у норках, здабычу ловяць ноччу.

Большасць вандроўных павукоў мае аднагадовы цыкл развіцця. Павукі-норнікі размнажаюцца ўвосень, цыкл развіцця 2-гадовы. Зімуюць аплодненыя самкі або маладыя павукі.

Літаратура

• Павукі-ваўкі // Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — 599 с., іл. — 10 000 экз.