Падалешнік еўрапейскі

Падале́шнік еўрапейскі^[1] (Asarum europaeum) — від кветкавых раслін роду Падалешнік сямейства Кірказонавыя (Aristolochiaceae). Тыпавы від роду.

Падалешнік еўрапейскі
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Перачнакветныя Сямейства:  Кірказонавыя Падсямейства:  Asaroideae Род:  Падалешнік Від:  Падалешнік еўрапейскі
Міжнародная навуковая назва
Asarum europaeum L., Sp. Pl. 2: 442 (1753)
Падвіды
Asarum europaeum caucasicum Asarum europaeum europaeum
Сістэматыка на Віківідах Выявы на Вікісховішчы NCBI   49456 EOL   5104041 GRIN   t:4463 IPNI   302682-2 TPL   kew-2654312

Назвы

Падалешнік еўрапейскі, канячыя капыткі, капытнік^[2][3][4], расходнік^[3][5], дзікі перац^[6][7], чэразгрывіца^[3].

Батанічнае апісанне

Падале́шнік еўрапейскі. Батанічная ілюстрацыя Якаба Штурма з кнігі «Deutschlands Flora in Abbildungen», 1796

Iматгадовая травяністая расліна з паўзучым галінастым карэнішчам. Вышыня 5—10 см. Сцябло ўкарочанае з лускавінкамі. Лісце буйное, скурыстае, шчыльнае, круглавата-ныркападобнае, на доўгіх чаранках, зімуе. Кветкі адзіночныя, брудна-цёмна-пурпуровыя, на паніклых кветаножках. Плод — каробачка. Насенне мае мясісты прыдатак.

Распаўсюджанне і экалогія

Еўраазіяцкі від. Расце ў цяністых лясах і хмызняках. Мезафіт, мезатроф і эўтроф^[8]. Сустракаецца па ўсёй Беларусі (народныя назвы: канячыя капыткі, дзікі перац, церазгрывіца). Цвіце ў красавіку—маі. Размнажаецца насеннем і дзяленнем карэнішча.

Ахоўваецца на тэрыторыі шэрагу рэгіёнаў Расіі, Украіны і ў Фінляндыі^[8].

Выкарыстанне

Лекавая і дэкаратыўная расліна. Ядавіты.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 20. — 160 с. — 2 350 экз.
2. Шатэрнік М. В. Краёвы слоўнік Чэрвеньшчыны. Мінск, 1929
3. Анненков Н.  (руск.) Ботанический словарь, Спб, 1878.
4. Ганчарык М. М. Беларускія назвы раслін. Праца навуковага таварыства па вывучэнню Беларусі, т. II і IV. Горы-Горки, 1927.
5. З. Верас. Беларуска-польска-расейска-лацінскі ботанічны слоўнік. — Вільня, Субач 2: Выданне газеты «Голас беларуса», Друкарня С. Бэкэра, 1924.
6. Васількоў І. Г. Матэрыялы да флоры Горацкага раёна. Праца навуковага таварыства па вывучэнню Беларусі, т. III. Горы-Горкі, 1927.
7. Чоловский К. Опыт описания Могилевской губернии. По программе и под редакцией А. С. Дембовецкого, кн. I. Могілев.
8. Копытень европейский: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)