Паддворнае

Паддво́рнае — возера ў Браслаўскім ране Віцебскай вобласці ў басейне ракі Дружнянка, за 16 км на поўдзень ад горада Браслаў.

Паддворнае
Морфаметрыя
Вышыня над узроўнем мора	141 м
Даўжыня	1,07 км
Шырыня	0,41 км
Плошча	0,29 км²
Аб’ём	0,00135 км³
Даўжыня берагавой лініі	2,8 км
Найбольшая глыбіня	9,3 м
Сярэдняя глыбіня	4,7 м
Гідралогія
Салёнасць	0,22—0,235 ‰
Празрыстасць	1,3 м
Басейн
Плошча вадазбору	7,19 км²
Упадаюць	ручай
Выцякаюць	ручай
Размяшчэнне
Краіна	Беларусь
Рэгіён	Віцебская вобласць
Паддворнае
Паддворнае

Плошча паверхні 0,29 км², даўжыня 1,07 км, найбольшая шырыня 0,41 км, даўжыня берагавой лініі 2,8 км. Найбольшая глыбіня дасягае 9,3 м, сярэдняя 4,7 м. Аб'ём вады ў возеры 1,35 млн. м³. Плошча вадазбору 7,19 км².
Катлавіна возера лагчыннага тыпу, выцягнутая ў напрамку з поўначы на поўдзень. Схілы катлавіны вышынёй да 5 метраў, пераважна стромкія, пясчаныя. Берагавая лінія слабазвілістая, у паўночнай частцы возера ўтварае заліў. Берагі пясчаныя, месцамі тарфяністыя, зліваюцца са схіламі катлавіны. Зона мелкаводдзя вузкая. На возеры невялікі востраў. Дно да глыбіні 4—5 м выслана пясчанымі адкладамі, глыбей — крэменязёмістым сапрапелем.
Возера эўтрофнае, слабапраточнае. У Паддворнае ўпадаюць 2^[1] ручаі і выцякае ручай (пратока) у возера Сярэднік. Зарастае да глыбіні 2,8 м. Надводная прыбярэжная расліннасць пашыраецца на адлегласці ад 3—10 да 20 (у паўднёвай частцы возера) метраў.

У возеры водзяцца шчупак, акунь, лешч, гусцяра, плотка, мянтуз, лінь, краснапёрка і інш.

Зноскі

1. Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш.. — Мн.: БелЭн, 2000. — Т. 11. — С. 493. — 560 с. — 10 000 экз. — ISBN 985-11-0188-5 (Т. 11).