Палянічыцы

Паляні́чыцы^[1] (трансліт.: Palianičycy, руск.: Поленичицы) — вёска ў Баранавіцкім раёне Брэсцкай вобласці. Уваходзіць у склад Сталовіцкага сельсавета. Размешчаны за 15 км на поўнач ад Баранавіч. Насельніцтва 180 жыхароў, 82 гаспадаркі (2005).

Вёска Палянічыцы Краіна Беларусь Вобласць Брэсцкая Раён Баранавіцкі Сельсавет Сталовіцкі Каардынаты 53°13′00″ пн. ш. 25°58′59″ у. д.HGЯO Вышыня цэнтра 199 м Колькасць двароў 82 Насельніцтва 180 чалавек (2005) Часавы пояс UTC+3 Тэлефонны код +375 163 Паштовыя індэксы 224132 Аўтамабільны код 1 Палянічыцы на карце Беларусі ±

Гісторыя

Палянічыцы згаданы як Poleniczyczy пад 1680—1682 гадамі сярод вёсак прыходу ўніяцкай царквы ў Сталовічах Навагародскага павета ў «Візітах уніяцкіх цэркваў Мінскага і Навагрудскага сабораў 1680—1682 гг.»^[2].

Паводле перапісу 1897 года — у Сталовіцкай воласці Навагрудскага павета Мінскай губерні.

3 1921 года — у складзе Польшчы, вёска Сталовіцкай гміны Баранавіцкага павета Навагрудскага ваяводства.

З 1939 года — у БССР. З 15 студзеня 1940 года — у Навамышскім раёне Баранавіцкай, з 8 студзеня 1954 года — Брэсцкай абласцей, з 8 красавіка 1957 года — у Баранавіцкім раёне.

У Вялікую Айчынную вайну з чэрвеня 1941 года да 8 ліпеня 1944 года акупіраваны нямецка-фашысцкімі захопнікамі, на франтах вайны загінула 9 вяскоўцаў.

Насельніцтва

• XIX стагоддзе:
  • 1897 год — 204 двары, 632 жыхары.
• XX стагоддзе:
  • 1909 год — 125 двароў 780 жыхароў.
  • 1921 год — 8 дамоў, 44 жыхары.
  • 1939 год — 681 жыхар.
  • 1959 год — 643 жыхароў.
  • 1970 год — 465 жыхароў.
• XXI стагоддзе:
  • 2005 год — 180 жыхароў, 82 гаспадаркі.

Вядомыя асобы

• Сяргей Антонавіч Пятрушка (нар. 1940) — беларускі вучоны ў галіне жывёлагадоўлі, доктар сельскагаспадарчых навук^[3].
• Сяргей Мікалаевіч Чаранкевіч (нар. 1942) — беларускі біяфізік, акадэмік Нацыянальнай акадэміі навук Беларусі.

Зноскі

1. Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)
2. Візіты ўніяцкіх цэркваў Мінскага і Навагрудскага сабораў 1680—1682 гг. / Укладальнік Д. В. Лісейчыкаў. — Мінск: І. П. Логвінаў, 2009. — 270 с. — С. 126
3. Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — 576 с. — 10 000 экз. — ISBN 985-11-0035-8. — ISBN 985-11-0216-4 (т. 13).