Сава белая

Белая сава́, або палярная сава (Bubo scandiacus ці Nyctea scandiaca) — птушка роду Пугачы (Bubo) сямейства Савіныя (Strigidae).

Сава белая
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Птушкі Падклас:  Нованёбныя Атрад:  Совападобныя Сямейства:  Савіныя Падсямейства:  Striginae Род:  Пугачы Від:  Сава белая
Міжнародная навуковая назва
Bubo scandiacus L., 1758
Сінонімы
Nyctea scandiaca
Арэал
Месцы гняздовак      Месцы зімовак
Ахоўны статус
Выклікаюць найменшыя асцярогі IUCN 3.1 Least Concern : / 22689055
Сістэматыка на Віківідах Выявы на Вікісховішчы ITIS   686683 NCBI   371907 EOL   1036388 FW   368622

Апісанне

Даўжыня цела 56—65 см, размах крылаў 140—166 см, маса 1,4—2,5 кг. Самкі большыя за самцоў. Апярэнне белае з мноствам каштанаватых плямак альбо папярочных палосак. Самцы больш светлыя, чым самкі, зрэдку зусім белыя. Дзюба і кіпцюры чорныя. Радужына ярка-жоўтая.

Пашырэнне

Сава белая на паштовай марцы Беларусі

Пашырана кругапалярна, хракатэрна для Арктыкі і Субарктыкі: у тундрах Еўразіі, Паўночнай Амерыкі і на астравах Паўночнага Ледавітага акіяна.

Вандроўная птушка. У гнездавы перыяд селіцца ў арктычнай тундры (асабліва на схілах узгоркаў непадалёк ад вадаёмаў, а таксама паблізу ўзбярэжжаў); у Нарвегіі даходзіць да 1500 м над узроўнем мора. Пасля гнездавання адлятае ў стэпы, палі, балоты (з групамі дрэў), рачныя даліны, парослыя кустамі, марскія ўзбярэжжы (асабліва пакрытыя невысокім лесам), населеныя пункты. На тэрыторыі Беларусі вельмі рэдкі залётны ўзімку від.

Асаблівасці біялогіі

Корміцца мышападобнымі грызунамі, птушкамі, зайцамі. Лятае і палюе ўдзень, часта лунае.

Гняздо робіць на сухім схіле ўзгорка, земляным або скалістым пагорку, у ямцы без высцілкі або з вельмі невялікай колькасцю раслінных рэшткаў.

Яйкі (4—10, часам 2—15) акруглыя або авальныя, белыя.

Літаратура

• Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — 511 с. — 10 000 экз. — ISBN 985-11-0035-8. — ISBN 985-11-0068-4 (т. 3).