Мядзведзь белы

Мядзведзь белы (Ursus maritimus) — драпежнае млекакормячае сямейства мядзвежых.

Мядзведзь белы
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Млекакормячыя Падклас:  Звяры Інфраклас:  Плацэнтарныя Надатрад:  Laurasiatheria Атрад:  Драпежныя Падатрад:  Сабакападобныя Інфраатрад:  Arctoidea Парватрад:  Ursida Сямейства:  Мядзведзевыя Род:  Мядзведзі Від:  Мядзведзь белы
Міжнародная навуковая назва
Ursus maritimus Phipps, 1774
Арэал
Ахоўны статус
Уразлівыя IUCN 3.1 Vulnerable : / 22823
Сістэматыка на Віківідах Выявы на Вікісховішчы ITIS   180542 NCBI   29073 EOL   328580 FW   52609

Мядзведзь белы

Назва

Часам гэты від вылучаюць у асобны род Thalarctos. Лацінская назва Ursus maritimus перакладаецца як «мядзведзь марскі».

Апісанне

Даўжыня цела 1,6—2,5 м, зрэдку да З м, вышыня ў карку да 1,5 м, маса да 1000 кг. Поўсць белая, густая. Ніжняя паверхня ступняў укрытая валасамі. Адаптаваны да нізкіх тэмператур (падскурны тлушч можа дасягаць да 40% масы жывёлы).

Пашырэнне

Тыповы прадстаўнік арктычнай фаўны: жыве на плывучых ільдах, узбярэжжы і астравах Паўночнага Ледавітага акіяна. У познім плейстацэне трапляўся на поўдні да Вялікабрытаніі, Даніі і Ньюфаўндленда.

Асаблівасці біялогіі

Гон звычайна ў сакавіку—красавіку. Цяжарныя самкі залягаюць на зіму ў снежныя бярлогі. Нараджаюць 1—3 дзіцянят раз у 2 гады (з самкай застаюцца каля 1,5 года). Добра плавае і нырае. Корміцца цюленямі, рыбай.

Ахова

З 1976 знаходзіцца пад міжнароднай аховай, засенены ў Чырвоную кнігу МСАП. У свеце 10—20 тыс. асобін.

Літаратура

• Белы мядзведзь // Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — 511 с. — 10 000 экз. — ISBN 985-11-0035-8. — ISBN 985-11-0068-4 (т. 3).