Панасавічы

Пана́савічы^[1] (трансліт.: Panasavičy, руск.: Панасовичи) — вёска ў Бярозаўскім раёне Брэсцкай вобласці. Уваходзіць у склад Сялецкага сельсавета. Размешчана за 22,5 км ад Бярозы, за 22 км ад чыгуначнай станцыі Бяроза-Картузская.

Вёска Панасавічы Краіна Беларусь Вобласць Брэсцкая Раён Бярозаўскі Сельсавет Сялецкі Каардынаты 52°36′46″ пн. ш. 24°43′50″ у. д.HGЯO Насельніцтва ▼37 чал. (2019) Часавы пояс UTC+3 Тэлефонны код +375 1643 Паштовыя індэксы 225204 Аўтамабільны код 1 СААТА 1208854051 Панасавічы Панасавічы

Гісторыя

Паводле перапісу 1897 года вёска ў Маскоўскай воласці Пружанскага павета Гродзенскай губерні, дзейнічаў хлебазапасны магазін.

З 1915 года акупіраваны германскімі войскамі, з 1919 года да ліпеня 1920 г. і з жніўня 1920 года — войскамі Польшчы. У ліпені 1920 устаноўлена савецкая ўлада.

З 1921 года ў складзе Палескага ваяводства Польшчы, у Насоўскай, з 1926 года — у Сялецкай гміне.

З 1939 года ў БССР. З 1940 года вёска ў Сашыцкім сельсавеце.

У 1941—1944 гг. акупіравана нямецка-фашысцкімі захопнікамі. Акупанты загубілі ў вёсцы 4 жыхароў, на фронце загінулі 7 воінаў-землякоў.

З 1954 года ў Сялецкім сельсавеце. Паводле перапісу 1970 года — у калгасе «Усход». 7 лютага 1972 года была выключана з рэестра в. Ракавічы (у 1940 — 17 двароў, 85 жыхароў, у 1959 — 20 будынкаў, 24 гаспадаркі, 106 жыхароў, у 1970 — 104 жыхары), якая злілася з в. Панасавічы^[2].

Насельніцтва

• XIX стагоддзе:
  • 1897 — 27 двароў, 156 жыхароў.
• XX стагоддзе:
  • 1940 — 36 двароў, 210 жыхароў.
  • 1959 — 49 гаспадарак, 206 жыхароў.
  • 1970 — 188 жыхароў.
• XXI стагоддзе:
  • 2005 — 52 двары, 99 жыхароў.

Зноскі

1. Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)
2. Рашэнне выканаўчага камітэта Брэсцкага абласнога Савета дэпутатаў працоўных ад 7 лютага 1972 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1972, № 8 (1346).