Партызанская брыгада імя К. Я. Варашылава (П. К. Макараў)

У паняцця ёсць і іншыя значэнні, гл. Партызанская брыгада імя К. Я. Варашылава.

Партызанская брыгада імя К. Я. Варашылава — партызанская брыгада, створаная ў лістападзе 1943 года. Дзейнічала на акупіраванай тэрыторыі Дзятлаўскага, Казлоўшчынскага, Жалудоцкага, Лідскага, Шчучынскага раёнаў. 15 ліпеня 1944 года брыгада (522 партызаны, 4 атрады) злучылася з Чырвонай Арміяй.

Партызанская брыгада імя К. Я. Варашылава
Гады існавання	1943—1944
Краіна	СССР  Беларуская ССР
Падпарадкаванне	Беларускі штаб партызанскага руху
Уваходзіць у	Шчучынскае партызанскае злучэнне
Тып	партызаны
Функцыя	змаганне з акупантамі
Колькасць	522 партызаны (15.7.1944)
Дыслакацыя	Дзятлаўскі Казлоўшчынскі, Жалудоцкі, Лідскі, Шчучынскі раёны
Войны	Другая сусветная вайна Вялікая Айчынная вайна

Склад

Брыгада была створана на базе:

• атрада імя Варашылава^[1];
• імя Калініна^[2];
• атрада імя Дзяржынскага^[3].

Таксама ў склад брыгады ўваходзіў:

• атрад імя Панамарэнкі.

Камандаванне

Камандзір

• П. К. Макараў.

Камісары

• В. Я. Сашнёў (загінуў);
• М. М. Белякоў.

Начальнік штабы

• С. П. Дабравольскі.

Гісторыя

У снежні 1943 — лютым 1944 гадоў партызаны падарвалі 31 эшалон, 8 мастоў, знішчылі 16 аўтамашын, маёнтак, зрабілі налёты на ваенныя аб'екты і гарнізоны ў райцэнтры Дзятлава і вёсцы Зачэпічы. У час карнай аперацыі супраць партызан Шчучынскай зоны (7—15.6.1944) вялі абарончыя баі, у ноч на 11 чэрвеня прарвалі блакаду і выйшлі ў Гарадзішчанскі раён. Атрад імя Варашылава ўдзельнічаў у прарыве блакады ў складзе Ленінскай партызанскай брыгады ў снежні 1942 года. У жніўні 1943 года на чыгуначных участках Ліда — Баранавічы, Ліда — Масты, падарваў больш за 600 рэек. У ліпені 1944 года брыгада сумесна з артдывізіёнам Чырвонай Арміі каля райцэнтра Казлоўшчына перарэзала нямецкім войскам шлях да адступлення, захапіла пераправу на рацэ Шчара.

Зноскі

1. арганізаваны ў Лідскім раёне ў сакавіку 1942 года, ў снежні аб'яднаны з 21-м атрадам і ўключаны ў склад Ленінскай партызанскай брыгады, з чэрвеня 1943 года ў склад партызанскай брыгады імя С. М. Кірава
2. арганізаваны ў жніўні 1943 года
3. арганізаваны ў красавіку 1942 года