Патрык Сібамана

Патрык Сібамана (англ.: Patrick Sibomana; нар. 15 кастрычніка 1996, Кігалі, Руанда) — руандыйскі футбаліст, паўабаронца мазамбікскага клуба «Ферувіярыу» з Бейры і былы ігрок нацыянальнай зборнай Руанды.

Патрык Сібамана
Нарадзіўся	15 кастрычніка 1996(1996-10-15)[1] (29 гадоў) Кігалі, правінцыя Кігалі[d], Руанда
Грамадзянства	Руанда
Пазіцыя	паўабаронца
Інфармацыя пра клуб
Клуб	Ферувіярыу
Маладзёжныя клубы
2011—2012 Ісонга (Кігалі)
Клубная кар’ера[* 1]
2013—2017 АПР (Кігалі) 2017—2018 Шахцёр (Салігорск) 3 (0) 2019 Мукура (Бутарэ) 2019—2020 Янг Афрыканс (Дар-эс-Салам) 2020—2022 Паліс (Кігалі) 2023— Ферувіярыу (Бейра)
Нацыянальная зборная[* 2]
2012—2019 Руанда 15 (2)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 10 красавіка 2023. Колькасць гульняў і галоў за нацыянальную зборную ў афіцыйных матчах, адкарэктавана станам на 14 кастрычніка 2019

Клубная кар’ера

Пачынаў кар’еру ў клубе «Ісонга», а ў 2013 годзе перайшоў у АПР, з якім стаў трохразовым чэмпіёнам Руанды і двухразовым уладальнікам Кубка Руанды.

У жніўні 2017 года пасля прагляду падпісаў трохгадовы кантракт з беларускім клубам «Шахцёр» з Салігорска^[2]. Дэбютаваў у Вышэйшай лізе 13 жніўня 2017 года ў хатнім матчы з «Мінскам» (3:0), правёўшы на полі ўсе 90 хвілін. Неўзабаве, аднак, атрымаў траўму, вярнуўся ў строй толькі ў самым канцы сезона 2017. У сезоне 2018 гуляў пераважна за дубль, за асноўную каманду згуляў толькі ў адным матчы чэмпіянату Беларусі і ў адным кубкавым. У снежні 2018 года па пагадненні бакоў разарваў кантракт з «Шахцёрам»^[3].

У лютым 2019 года вярнуўся ў Руанду, папоўніўшы склад клуба «Мукура»^[4]. Улетку таго ж года далучыўся да танзанійскага клуба «Янг Афрыканс». У верасні 2020 года перайшоў у «Паліс», дзе гуляў да канца сезона 2021/22. У лютым 2023 года стаў іграком мазамбікскага «Ферувіярыу».

Міжнародная кар’ера

У 2012—2015 гадах выступаў за нацыянальную зборную Руанды. У 2019 годзе зноў быў выкліканы ў нацыянальную каманду.

Дасягненні

• 01 Чэмпіён Руанды (3): 2013/14, 2014/15, 2015/16
• 02 Срэбраны прызёр чэмпіянату Руанды: 2016/17
• 03 Бронзавы прызёр чэмпіянату Руанды (2): 2012/13, 2018/19
• Уладальнік Кубка Руанды (2): 2014, 2017
• 02 Срэбраны прызёр чэмпіянату Беларусі: 2018
• 03 Бронзавы прызёр чэмпіянату Беларусі: 2017