Пацейкаўскі сельсавет

Паце́йкаўскі сельсавет — адміністрацыйна-тэрытарыяльная адзінка ў складзе Капыльскага раёна Мінскай вобласці Беларусі. Цэнтр — аграгарадок (да 2009 г. вёска) Пацейкі.

Пацейкаўскі сельсавет
Краіна	Беларусь
Уваходзіць у	Капыльскі раён
Уключае	16 населеных пунктаў
Адміністрацыйны цэнтр	Пацейкі
Дата ўтварэння	20 жніўня 1924
Насельніцтва (2019)	992
Часавы пояс	UTC+03:00
Код аўтам. нумароў	5

Утвораны 20 жніўня 1924 года ў складзе Капыльскага раёна Слуцкай акругі БССР. З 9 чэрвеня 1927 года ў складзе Мінскай акругі. Пасля скасавання акруговай сістэмы 26 ліпеня 1930 года ў Капыльскім раёне БССР. З 21 чэрвеня 1935 года ў складзе Слуцкай акругі. Пасля ўвядзення абласнога падзелу 20 лютага 1938 года ў Капыльскім раёне Мінскай вобласці. З 20 верасня 1944 года па 8 студзеня 1954 года ў складзе Бабруйскай вобласці. 24 мая 1960 года ў склад сельсавета з Бабаўнянскага сельсавета пералічаны 4 населеныя пункты (Бабавенька, Дарагавіца, Печураны і Ржаўка), з адміністрацыйнага падпарадкавання Капыльскага пассавета — 2 населеныя пункты (Казакоўка і Кацельнікі)^[1]. У 1976 годзе скасаваны пасёлак Пнівада^[2], 24 лютага 2017 года — вёска Пнівада і пасёлак Леванова^[3].

Насельніцтва сельсавета паводле перапісу 2009 года (18 населеных пунктаў) — 1277 чалавек^[4], з іх 94,4 % — беларусы, 4,2 % — рускія, 1,2 % — украінцы^[5]; паводле перапісу 2019 года (16 населеных пунктаў) — 992 чалавекі^[6].

Зноскі

1. Рашэнне выканкома Мінскага абласнога Савета дэпутатаў працоўных ад 24 мая 1960 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1960, № 16.
2. Рашэнні выканкома Мінскага абласнога Савета дэпутатаў працоўных ад 31 сакавіка, 7 і 29 красавіка 1976 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1976, № 17 (1499).
3. Решение Копыльского районного Совета депутатов от 24 февраля 2017 г. № 133 Об упразднении деревни Пнивода и поселка Леоново Потейковского сельсовета Копыльского района
4. Колькасць насельніцтва населеных пунктаў Мінскай вобласці Беларусі паводле перапісу 2009 года
5. Этнічны склад насельніцтва сельсаветаў Беларусі паводле перапісу 2009 года
6. Колькасць насельніцтва населеных пунктаў Мінскай вобласці Беларусі паводле перапісу 2019 года