Паўднёвая армія (Германская імперыя)

Паўднё́вая а́рмія (ням.: Südarmee / Armeeoberkommando Süd / A.O.K. Süd) — воінскае аб'яднанне армейскага узроўню Імперскай Германскай Арміі падчас Першай сусветнай вайны.

Südarmee Паўднёвая армія
Усходні фронт у другой палове 1915 года
Гады існавання	11 студзеня 1915 — 25 студзеня 1918
Краіна	Германская імперыя
Тып	Армія
Удзел у	Усходні фронт Першай сусветнай вайны

Была сфармавана 11 студзеня 1915 года для вядзення баявых дзеянняў супраць Расійскай імперыі. Увесь час свайго існавання ваявала выключна на Усходнім фронце. Была расфармавана 25 студзеня 1918 года.

Гісторыя

Эрцгерцаг Фрыдрых  (англ.) і Фелікс фон Ботмер (у цэнтры) падчас снядання ў штабе Паўднёвай арміі ў Беражанах. 1916 год.

Паўднёвая армія была сфарміравана ў Брэслаў 11 студзеня 1915 года, у выніку пераўтварэння II корпуса для Венгерскага Карпацкага фронту. Камандзір II корпуса, генерал ад інфантэрыі Аляксандр фон Лінзінген прыняў камандаванне новай арміяй. 8 ліпеня 1915 года фон Лінзінген быў прызначаны камандзірам новай Бугскай арміяй. На яго месца быў прызначаны камандзір ІІ баварскага рэзервовага корпуса генерал ад інфантэрыі Фелікс граф фон Ботмер. З выхадам Расіі з вайны (Брэсцкі мір) знікла патрэбнасць існавання Паўднёвай арміі і яна была распушчана 25 студзеня 1918 года.

Штаб-кватэра арміі была размешчана ў Мукачаве (з 11 студзеня 1915 года), Стрыі (з 5 чэрвеня 1915 года), Беражанах (з 4 верасня 1915 года), Ходараве  (бел. (тар.)) (з 15 лістапада 1916 года) і Чарткове  (бел. (тар.)) (з 4 жніўня 1917 года).

Камандуючыя

• Генерал ад інфантэрыі Аляксандр фон Лінзінген (11.01.1915 — 8.07.1915)
• Генерал ад інфантэрыі Фелікс фон Ботмер (8.07.1915 — 25.01.1918)

Літаратура

• Hermann Cron. Imperial German Army 1914-1918: Organisation, Structure, Orders of Battle. — Helion & Company ltd, 2002. — ISBN 1-874622-70-1.