Перлаўка высокая

Пе́рлаўка высокая^[1] (Melica altissima) — від кветкавых раслін роду Перлаўка (Melica) сямейства Метлюжковыя (Poaceae).

Перлаўка высокая
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Метлюжкакветныя Сямейства:  Метлюжковыя Падсямейства:  Pooideae Трыба:  Meliceae Род:  Перлаўка Від:  Перлаўка высокая
Міжнародная навуковая назва
Melica altissima L., 1753
Сінонімы
Melica altissima var. atropurpurea Papp Melica altissima var. interrupta Pers. Melica sibirica Lam.
Сістэматыка на Віківідах Выявы на Вікісховішчы ITIS   41843 NCBI   29685 EOL   1115012 GRIN   t:23946 IPNI   325334-2 TPL   kew-423398

Батанічнае апісанне

Шматгадовая травяністая расліна вышынёй 90—150^[1] см, з доўгім карэнішчам. Утварае дзярніну. Сцяблы прамыя, шурпатыя. Лісце чагаванае, простае, суцэльнае, сядзячае, шурпатае. Суквецце — колас. Каласкі двухкветкавыя. Каласковыя лускавінкі цёмна-фіялетавыя, з бледным краем. Ніжняя кветкавая лускавінка шурпатая, з 7 жылкамі^[1]. Плод — сухая зярняўка.

Распаўсюджанне і экалогія

Расліна распаўсюджана на тэрыторыі Еўропы і Азіі, натуралізавалася ў Паўночнай Амерыцы^[2]. Расце на сухіх лугах, палянах і ўзлесках, камяністых россыпах, па берагах вадаёмаў, каля дарог^[3]. Святлолюбівая расліна, мезафіт і мезатроф^[3]. Цвіце ў чэрвені—ліпені^[1].

Знаходзіцца пад аховай у шэрагу рэгіёнаў Расіі^[3].

Дэкаратыўная расліна.

Зноскі

1. Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — 599 с., іл. — 10 000 экз.
2. Germplasm Resources Information Network (GRIN-Taxonomy) (англ.)
3. Перловник высокий: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)