Перыла

Перы́ла^[1] (Perilla) — род кветкавых раслін сямейства Ясноткавыя (Lamiaceae). Налічвае 5^[1] відаў (1 від — Перыла кустовая (Perilla frutescens)^[2]), пашыраных у Паўднёвай, Усходняй і Паўднёва-Усходняй Азіі і Паўночнай Амерыцы.

Перыла
Перыла кустовая (Perilla frutescens)
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Ясноткакветныя Сямейства:  Ясноткавыя Падсямейства:  Nepetoideae Трыба:  Elsholtzieae Род:  Перыла
Міжнародная навуковая назва
Perilla L., 1764
Сістэматыка на Віківідах Выявы на Вікісховішчы ITIS   32633 NCBI   48385 EOL   70851 IPNI   21102-1

Батанічнае апісанне

Аднагадовыя травяністыя расліны са стрыжнёвым карэнішчам, якое паглыбляецца ў глебу на 1 м і болей^[1]. Сцябло прамое, галінастае ў верхняй частцы, чатырохграннае, вышынёй да 1,5 м. Лісце супраціўнае, на чаранках, апушанае, з пільчатазазубраным краем. Кветкі дробныя, апушаныя, у гронкападобных суквеццях. Плод — арэшак.

Гаспадарчае значэнне

У насенні перылы кустовай маецца 40—45 % тэхнічнага перылавага алею, які выкарыстоўваецца ў лакафарбавай, аўтамабільнай, суднабудаўнічай і электратэхнічнай прамысловасці. Макуха ідзе на корм жывёле.

Выкарыстоўваецца таксама як дэкаратыўная расліна.