Перылавы алей

Перы́лавы але́й^[1], C₂₄H₃₈O₄^[2] — тлусты алей, які атрымліваюць прасаваннем ці экстрагаваннем з насення перылы (Perilla frutescens) (перылы базілікавай^[1], Perilla ocymoides^[3]).

Уласцівасці

Вадкасць ад светла-жоўтага да цёмна-жоўтага колеру^[1]. Малекулярная маса 390,55612^[2]. Ёдны лік 190—206^[3] (180—196^[4]). Тэмпература застывання −30 °C^[3] (каля −30 °C^[1]). Шчыльнасць 931 кг/м³ (пры тэмпературы 15 °C)^[1].

Мае (па масе): 65—70 % ліналенавай кіслаты, 12—18 (каля 16^[3]) % лінолевай кіслаты, 14—23 % алеінавай кіслаты, 6—12 % пальміцінавай кіслаты^[4].

Выкарыстанне

Высыхальны алей. Сохне хутчэй за ільняны алей. Выкарыстоўваецца у вытворчасці пакостаў, алейных лакаў і фарбаў, алкідных лакаў. Таксама выкарыстоўваецца пры вырабе паўпразрыстай (падобнай на пергамент) паперы^[3].