Песняры

У паняцця ёсць і іншыя значэнні, гл. Песняры (значэнні).

«Песняры́» — вакальна-інструментальны ансамбль пад кіраўніцтвам Уладзіміра Мулявіна, створаны ў Мінску ў 1969 годзе. Вядомы шырокай аўдыторыі слухачоў па песнях «Александрына», «Касіў Ясь канюшыну», «Алеся» і інш.

Песняры
Песняры ў Яраслаўлі, 1974
Асноўная інфармацыя
Жанр	Фолк-рок Фолк Поп-рок
Гады	1969 — 2003 (сёння на назву прэтэндуе пяць калектываў)
Краіна	Беларусь
Горад	Мінск
Адкуль	Беларуская ССР
Мова песень	беларуская руская
Лэйбл	«Мелодия»
pesnyary.by
Медыяфайлы на Вікісховішчы

Гісторыя

Ансамбль першапачаткова пазіцыянаваўся як фальклорны. Аснову рэпертуару складалі апрацаваныя беларускія народныя песні. Паступова «Песняры» вынайшлі свой уласны стыль, яны гарманічна спалучылі актуальную замежную музыку з беларускімі напевамі. Мулявін называў гэты стыль «фольк-біт»^[1]. Яны зваліся «Лявоны», а яшчэ раней выступалі ў складзе ВІА «Арбіта-67». «Песнярамі» назваліся часова, каб паўдзельнічаць у эстрадным конкурсе ў Маскве (1970), але так імі і засталіся, бо пасля конкурсу прыйшла ўсесаюзная слава.

Дэбютная пласцінка «Песняроў» (1971) уключала беларускія народныя песні ў музычнай апрацоўцы Уладзіміра Мулявіна, спалучаныя з модным тады біг-бітам, рок-н-рольнымі і блюзавымі мелодыямі. Яна выйшла на фірме «Мелодыя» ў Маскве накладам 4 млн асобнікаў. Пасля ў рэпертуар былі ўключаныя песні савецкіх кампазітараў, песні на вершы вядомых паэтаў  — Янкі Купалы, Роберта Бёрнса, Уладзіміра Маякоўскага. Ансамблем былі пастаўленыя 2 вялікія тэатралізаваныя творы (рок-оперы) — «Песня пра долю» (1976) і «Гусляр» (1978).

У 1976 адбыліся гастролі ў ЗША. «Песняры» сталі першым ансамблем у СССР, які быў адзначаны «Залатым дыскам» фірмы «Мелодыя» (1982), што ўручаўся за продаж накладу ў 12 мільёнаў пласцінак^[1].

У 1998 годзе ў гурце адбыўся раскол. У цяперашні час існуе каля пяці розных ансамбляў, якія маюць у сваёй назве слова «Песняры» і якія выконваюць песні легендарнага калектыву^[2]. Правапераемнікам з’яўляецца Беларускі дзяржаўны ансамбль «Песняры», які запатэнтаваў сваю назву ў Расійскай Федэрацыі (пасведчанне № 92), а таксама гурт «Беларускія Песняры».

Дыскаграфія

1971	Ты мне вясною прыснілася	Ты мне вясною прыснілася
1974	Алеся	Алеся
1977	Перапёлачка	Перапёлачка
1979	Волoгда	Волагда
1980	Гусляр	Гусляр
1982	Зачарованная моя	Мая зачараваная
1984	Через всю войну	Праз усю вайну

Існуе таксама шэраг сінглаў.

Склад

Склад гурту ўвесь час змяняўся. Найбольшыя знакамітымі ўдзельнікамі былі:

• Уладзімір Мулявін (спеў, гітара, 1968—2003)
• Валерый Мулявін (гітара, 1968—1974)
• Леанід Барткевіч (спеў, 1969—1980)
• Анатоль Кашапараў (спеў, 1970—1990)
• Валерый Дайнека (спеў, 1976—1992)
• Леанід Тышко (бас-гітара, 1968—1981)
• Уладзіслаў Місевіч (саксафон, жалейка, 1968—1992)
• Аляксандр Дзямешка (бубны, 1968—1988)
• Уладзімір Нікалаеў (клавішныя, 1971—1980)
• Актай Айвазаў
• Вячаслаў Міхновіч
• Марк Шмелькін
• Уладзімір Ткачэнка
• Валерый Яшкін
• Анатоль Гілевіч
• Валянцін Бадзьяраў
• Віктар Часлаў Паплаўскі
• Юры Дзянісаў
• Барыс Бернштэйн