Платформа «Годнасць і праўда»

Палітычная Партыя «Платформа Го́днасць і пра́ўда» (рум.: Partidul Politic „Platforma Demnitate și Adevăr”) — палітычная партыя ў Рэспубліцы Малдова. Сфарміравана на аснове партыі «Народная сіла» і часткі актывістаў Грамадзянскай платформы «Годнасць і праўда». Да 13 снежня 2015 года партыя мела назву Партыя «Народная сіла».

Палітычная Партыя «Платформа Годнасць і Праўда»
рум.: Partidul Politic „Platforma Demnitate și Adevăr”
Лідар	Дзіну Плынгэу
Заснавальнік	Мікалай Кіртаакэ
Дата заснавання	21 красавіка 2013
Штаб-кватэра	Малдова, Кішынёў, вул. Калумна, 135
Краіна	Малдова
Ідэалогія	сацыяльны лібералізм праеўрапеізм
Інтэрнацыянал	Еўрапейская народная партыя
Саюзнікі і блокі	«Дзеянне і салідарнасць» (з 2016) Выбарчы блок «ACUM Platforma DA și PAS» (2018-2019)
Колькасць членаў	14 000 (ліпень 2018)
Месцаў у парламенце	0 / 101
Месцаў у муніцыпальных і раённых саветах	39 / 1108
Сайт	www.platformada.md
Медыяфайлы на Вікісховішчы

Гісторыя

Устаноўчы з’езд партыі «Народная сіла»

21 красавіка 2013 года ў Кішынёве адбыўся ўстаноўчы з’езд Партыі «Народная сіла». На з’ездзе прысутнічалі 300 дэлегатаў з усіх раёнаў краіны, якія зацвердзілі палітычную праграму, статут і абралі кіраўніцтва партыі.

У якасці старшыні ПНС быў абраны былы пасол Рэспублікі Малдова ў ЗША Мікалай Кіртаакэ, а ў якасці віцэ-старшыняў былі абраны юрыст, былы парламенцкі адвакат Канстанцін Лазэр, універсітэцкі прафесар Канстанцін Чорбэ, юрыст, спецыяліст у галіне сельскай гаспадаркі Аляксандр Слусар, былы пракурор, адвакат Павел Мідрыган і старшыня Асацыяцыі вайскоўцаў у адстаўцы РМ Эдуард Рошка.

Паводле стваральнікаў, Партыя «Народная сіла» пазіцыянуе сябе ў цэнтры палітычнай сцэны, а дактрына сацыяльнага лібералізму прадстаўляе дактрынальны фундамент палітычнай ідэнтычнасці фарміравання.

На парламенцкіх выбарах 2014 года партыя набрала 0,73 % і не змагла пераадолець парог 6 %.

Заснаванне партыі «Годнасць і праўда» і пратэсты, арганізаваныя супраць улады

24 лютага 2015 года, на фоне фінансава-банкаўскага скандалу ў краіне, вядомага як «Крадзеж стагоддзя», лідары думак, журналісты і былыя дзяржаўныя служачыя паведамілі на прэс-канферэнцыі аб запуску Грамадзянскай платформы «Годнасць і праўда». Членамі-заснавальнікамі платформы былі: Аазу Нантой, Ігар Бацан, Валянцін Даўганюк, Станіслаў Паўлоўскі, Міхаіл Маноле, Алеся Стаматэ, Мар’яна Калугін, Карнелія Казанак, Анжэла Арамэ, Аляксандр Козер, Васіль Згардан, Васіль Нэстасэ, Дзіну Плынгэу, Андрэй Нэстасэ і Мікалай Місаіл. Платформа ГП прапанавала рэалізаваць наступныя асноўныя мэты: барацьба з карупцыяй, адхіленне «злодзеяў» ад улады і захаванне еўрапейскага вектара Рэспублікі Малдова.

Пачынаючы з вясны 2015 года, Платформа ГП арганізавала буйнамаштабныя мірныя акцыі пратэсту, а 6 верасня 2015 года на Плошчы Вялікага Нацыянальнага Сходу ініцыявала бесперапынныя акцыі пратэсту. Таксама быў сфарміраваны Савет Вялікага Нацыянальнага Сходу — структура, якая прапанавала прадстаўляць пратэстоўцаў у дыялогу з уладай. Таксама на акцыі пратэсту 6 верасня 2015 года сябры платформы сфармулявалі новыя патрабаванні, сярод якіх: адстаўка прэзідэнта Нікалае Цімофці; усенароднае абранне прэзідэнта Рэспублікі Малдова; прызначэнне на пасаду кіраўнікоў прававых інстытутаў непадкупных асоб, прапанаваных грамадзянскай супольнасцю, правядзенне датэрміновых парламенцкіх выбараў не пазней за пачатак сакавіка 2016 года, фарміраванне ўрада нацыянальнага выратавання.

У снежні 2015 года частка з групы лідараў платформы заклала фундамент фарміравання Палітычнай Партыі «Платформа Годнасць і Праўда» (ПГП) шляхам перайменавання ўжо існуючага фармавання — Партыі «Народная сіла».

Пазачарговы з’езд ПНС ад 13 снежня 2015 года

У межах з’езда былі ўнесены змены ў статут і праграму партыі, а таксама зменена назва Партыі «Народная сіла» ў Палітычную партыю «Платформа Годнасць і Праўда», а ў якасці старшыні аднагалосна быў абраны адвакат Андрэй Нэстасэ^[1]. У якасці віцэ-старшыняў партыі былі абраныя: Аляксандр Слусар, Станіслаў Паўлоўскі і Інга Грыгорыу; Ціхан Зараф быў абраны Генеральным сакратаром партыі. Таксама дэлегаты на з’ездзе абралі склад Палітычнага Нацыянальнага Савета, Цэнтральнай Камісіі Цэнзараў і Ганаровай Камісіі і Арбітражу.

У канцы з’езда была прынята дэкларацыя, у якой адзначаецца палітычная сітуацыя ў краіне і неабходнасць стварыць альтэрнатыўную баявую сілу супраць алігархата. Паводле арганізатараў, на з’ездзе ўдзельнічалі 360 дэлегатаў з 409, агульнай колькасці дэлегатаў тэрытарыяльных арганізацый Партыі «Народная сіла».

2-гі Пазачарговы з’езд ПГП ад 5 лютага 2017 года

Дэлегаты з’езда прынялі новы статут фарміравання, распрацавалі і прынялі праграму ПППГП, абралі новы склад Палітычнага Нацыянальнага Савета і Пастаяннага Палітычнага Бюро.

Таксама палітычнае фарміраванне прыняла Рэзалюцыю з’езда, у якой былі ўстаноўлены некалькі мэт да наступнага перыяду, сярод якіх устойлівае развіццё і ўмацаванне Палітычнай Партыі «Платформа „Годнасць і Праўда“», уступленне ў Еўрапейскую народную партыю, стварэнне антыалігархічнага полюса, працяг моцнага дыялогу з грамадзянамі Рэспублікі Малдова і абарона іх інтарэсаў прыярытэтным шляхам, у тым ліку праз аднаўленне маштабных пратэстаў.

Кіраўніцтва партыі

• Дзіну Плынгэу — старшыня
• Лівіу Воўк — генеральны сакратар
• Кірыл Мацпан — віцэ-старшыня
• Яна Станцыеру — віцэ-старшыня
• Лілія Тэнасэ — віцэ-старшыня