Плацішна (возера, Ушацкі раён)

У паняцця ёсць і іншыя значэнні, гл. Плацішна.

Плаці́шна — возера ў Беларусі, ва Ушацкім раёне Віцебскай вобласці ў басейне ракі Тураўлянка, у напрамку на паўночны ўсход ад гарадскога пасёлка Ушачы, каля вёсак Асінаўка і Кавалеўшчына.

Плацішна
Морфаметрыя
Даўжыня	0,71 км
Шырыня	0,2 км
Плошча	0,1 км²
Аб’ём	0,00027 км³
Даўжыня берагавой лініі	1,75 км
Найбольшая глыбіня	5 м
Сярэдняя глыбіня	2,7 м
Гідралогія
Салёнасць	0,26—0,295 ‰
Празрыстасць	0,7 м
Басейн
Плошча вадазбору	5,5 км²
Упадаюць	пратока
Выцякаюць	ручай
Размяшчэнне
Краіна	Беларусь
Рэгіён	Віцебская вобласць
Плацішна
Плацішна

Плошча паверхні возера 0,1 км², даўжыня 0,71 км, найбольшая шырыня 0,2 км. Найбольшая глыбіня дасягае 5 м, сярэдняя 2,7 м. Аб’ём вады ў возеры 0,27 млн м³. Плошча вадазбору 5,5 км².
Катлавіна Плацішна лагчыннага тыпу, моцна выцягнутая з поўначы на поўдзень. Схілы катлавіны спадзістыя, вышынёй 8—9 м, складзены з суглінкаў і супяскоў. У паўднёва-заходняй частцы схілы стромкія, вышынёй да 14 метраў. Берагавая лінія слабазвілістая. Берагі возера пераважна сплавінныя. Шырыня сплавіны складае 5—10 м. Дно возера плоскае з упадзінамі (4,1 м і 5 м глыбінёй), выслана ілам, месцамі ўздоўж усходняга берага пясчанымі адкладамі. Колернасць вады ад 70 да 150 °.
Возера эўтрофнае. Зарастае каля паловы плошчы возера да глыбіні 2,8 м. Прыбярэжная надводная расліннасць пашыраецца на адлегласці 5—20 м ад берага. У заходняй частцы Плацішна злучана пратокай з возерам Доўгае, на поўдні выцякае ручай у возера Астравіта.

У возеры водзяцца акунь, шчупак, лешч, плотка, краснапёрка, лінь, джгір і іншыя рыбы.

Літаратура

• Міронаў В. Р. Плацішна // Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — 599 с., іл. — 10 000 экз.
• Республика Беларусь. Витебская область. Ушачский район: карта. Ушачи: план (руск.) / Редактор: С. Н. Саратова. — Мн.: Белкартография, 2012. — 3 000 экз.

Спасылкі

• Общая характеристика озёр Витебской области // Справочник «Водные объекты Республики Беларусь» Архівавана 6 кастрычніка 2021. (руск.)
• Морфометрические параметры озёр Витебской области // Справочник «Водные объекты Республики Беларусь» Архівавана 8 сакавіка 2021. (руск.)