Плешчаніцкае вадасховішча

Пле́шчаніцкае вадасхо́вішча^[2][3][4], Войкаўскае вадасховішча^[2][3] — вадасховішча ў Лагойскім раёне Мінскай вобласці Беларусі.

Плешчаніцкае вадасховішча
Каардынаты: 54°25′56″ пн. ш. 27°46′59″ у. д.HGЯO
Размяшчэнне	Беларусь, Мінская вобласць, Лагойскі раён
Вышыня над узроўнем мора	191,8[1] м
Даўжыня	2,9 км
Шырыня	0,9 км
Плошча	2,04 км²
Аб'ём	0,0051 км³
Даўжыня берагавой лініі	7,3 км
Найбольшая глыбіня	6,3 м
Плошча вадазбору	232 км²
Упадаюць	Дзвінаса, Дрылянка, Рудаўка.
Выцякаюць	Дзвінаса
Год напаўнення	1958
Плешчаніцкае вадасховішча
Плешчаніцкае вадасховішча

На рацэ Дзвінаса (за 34 км ад вусця), за 24 км на поўнач ад гарадскога Лагойск, каля заходняй ускраіны гарадскога пасёлка Плешчаніцы. Створана ў 1960^[3] (1958^[2][4]) годзе для рэгулявання рачнога сцёку, рэкрэацыі і спартыўных мерапрыемстваў. Плошча 2,04 км²^[3]. Найбольшая глыбіня 6,3 м. Даўжыня 2,9 км. Найбольшая шырыня 0,9 км. Даўжыня берагавой лініі 7,3 км. Аб’ём вады 5,1 млн м³. Плошча вадазбору 232 км². Катлавіна выцягнутая ў напрамку з паўднёвага ўсходу на паўночны захад. Берагі пад лесам, правы забалочаны, левы высокі (1,5—3 м). Дно выслана ілам, на мелкаводдзі пяском. Сярэднегадавое ваганне ўзроўню вады 50 см. Замярзае ў пачатку снежня, лёд (таўшчыня 40—50 см) трымаецца да другой паловы сакавіка. Інтэнсіўна зарастае, асабліва ў верхняй частцы і ў заліве. Упадаюць рэкі Дрылянка і Рудаўка.