Плошча Леніна (Кобрын)

Плошча Леніна — плошча ў гістарычным цэнтры Кобрына, грамадскі цэнтр горада^[1]. Размяшчаецца на скрыжаванні вуліц Леніна, Пушкіна, Суворава і Працоўны.

плошча Леніна
Агульная інфармацыя
Краіна	Беларусь
Населены пункт	Кобрын
Ранейшыя назвы	Суворава

Гісторыя і архітэктура

Плошча ўзнікла ў 1950-я гады пры перапланіроўцы цэнтра горада пасля Вялікай Айчыннай вайны. Да таго, як была разбіта плошча, тэрыторыя была забудавана жылымі дамамі, а таксама існавала першая ў гісторыі Кобрына аўтобусная станцыя^[2]. Першапачаткова насіла імя Суворава, у 1962 годзе перацменавана ў гонар Леніна. У 2009 годзе пры падрыхтоўцы да фестывалю «Дажынкі» плошча была добраўпарадкавана, выкладзена пліткай^[3].

Забудова

На плошчы і вакол яе сабраны асноўныя адміністрацыйныя будынкі горада. Ансамбль плошчы сфарміраваны будынкамі гаркама, Дома Саветаў, гасцініцы, а таксама жылымі дамамі^[1]. Плошча з’яўляецца асноўным месцам масавых мерапрыемстваў^[4].

• № 3 — Кобрынскі гарадскі выканаўчы камітэт.
• № 4 — музей Кобрынскага дзяржаўнага мастацкага прафесійна-тэхнічнага каледжа (музей народных промыслаў)^[5]
• Вуліца Суворава, 14 — Ваенна-гістарычны музей імя А. В. Суворава.
• Вуліца Суворава, 16 — Кобрынскі сядзібны дом канцы XVIII стагоддзя, у якім цяпер размяшчаецца дом-музей А. В. Суворава. —  Гісторыка-культурная каштоўнасць Беларусі, шыфр 112Д000401шыфр 112Д000401
• Вуліца Суворава, 25 — Кобрынскі раённы выканаўчы камітэт.

Помнікі

• Помнік У. І. Леніну. Перанесены ў 1962 годзе з плошчы Свабоды^[3].
• Помнік заснавальнікам Кобрына, князю Уладзіміру Васількавічу і княгіні Вользе Раманаўне. Пастаўлены ў 2009 годзе, скульптар Аляксандр Лышчык^[6].
• Дошка гонару Кобрына і Кобрынскага раёна.

Зноскі

1. Свод памятников истории и культуры Белоруссии (руск.) / АН БССР, Ин-т искусствоведения, этнографии и фольклора; Редкол.: С. В. Марцелев (гл. ред.) и др. — Мн.: БелСЭ, 1990. — Брестская область. — 424 с.: ил. — ISBN 5-85700-017-3.
2. Мартынов А. М.. Вуліца, якая носіць імя Леніна  (бел.). Туристический Кобрин. Праверана 26 красавіка 2019.
3. Назарук Т.. Улицы и площади Кобрина: история и современность (нявызн.). Туристический Кобрин. Праверана 1 мая 2019.
4. Исторический центр: площадь Ленина (нявызн.). Туристический Кобрин. Праверана 1 мая 2019.
5. Музей КГХПТК (нявызн.). Туристический Кобрин. Праверана 1 мая 2019.
6. Памятник князю Владимиру Васильковичу и княгине Ольге Романовне (нявызн.). Туристический Кобрин. Праверана 1 мая 2019.